【又延期?】《Bloodstained》要等到2018?下年九成無得玩!

唔知大家多唔多上網集資,我有試過,我真係有試過。有時開發者有要求起上嚟,遲一兩年先收到貨都唔係罕見嘅事,始終大家係集資做一件事,又唔係「買賣」,遲起貨都真係只可以硬食。

bloodstained-4
早前就有《Mighty No.9》貨不對辦事件,其後以Kickstarter集資嘅製作人見稻船敬二開咗個唔係太好嘅頭之後,睇嚟大家都知驚。今日《Bloodstained》五十嵐孝司就出咗條片,提到遊戲開發進展進度唔錯,不過同佢心入面嘅目標都仲有少少分別,所以打算將推出時間「暫定」為2018年上半年。

暫定咋講緊,可能又Delay架。不過有時候,你會選擇一款遊戲準時出,之後要patch幾百次先有個正常遊戲,再屈你買DLC,定係乖乖地坐定定等多一陣先有得玩?我就真係寧願係後者喇。再者之前E3隻demo又真係唔差嘅,希望到2018年之時我地真係玩到一款充滿惡魔城味道嘅遊戲啦!

上一篇word-image
《劍俠情緣港澳版》不刪檔封測正式展開 人在江湖哪個戰無不勝
下一篇img9707
【土本化】高達唔係鋼彈!《SD高達G-Gen》港台翻譯版公佈!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY