【嚇到瀨屎】鬼節又到!MTGamer 破膽遊戲經驗選 (上)

七月又十四,每年一度鬼節又到,每間遊戲廠都有推出「應節」遊戲,相信巴打們由細到大都比人嚇唔少。細膽到爆既MTGamer 編輯部 (無錯, 成個部門都好細膽) 搵番十個恐怖得黎又經典既系列,到底巴打你又玩過幾多款先?唔好講咁多,立即同大家排一排MTGamer 精選 10 款恐怖遊戲排名啦!

 

 

第十位 – Five Nights At Freddy’s 系列

 

近年新興遊戲入面,其中一款恐怖遊戲慢慢唔再只係追求血腥暴力,而變成新奇既驚嚇方式。Five Nights At Freddy’s 系列中玩家就要扮演一位 “警備員”,於一家餐廳中守夜,唔好以為做「警備員」就有福利鏡頭,玩家就要睇住唔同既鏡頭,看管幾隻食人怪物!唔好以為人地只係幾隻公仔,總之玩過你就知呢幾隻緊有機會嚇到你彈起架!

 

 

001

 

 

第九位 – Slenderman

 

有人話又高又瘦就等於恐怖,咁Model咪好恐怖?始終你都要知到人地都市傳說先覺得正既。Slenderman 就要你o係森林入面搵番唔同既紙條逃走,但係遊戲入面就會有隻你一望住佢就會死既怪物!無助既氣氛反而令大家更透唔到氣!

 

 

003

 

 

第八位 – Fear

 
大家可能覺得,有武器就唔駛怕鬼,但係你玩過Fear 又可能唔係咁講!身為特種部隊既玩家就去執行任務,但係到場先知要對付既除左係人仲有…

FPS遊戲遊戲多數故事就比較單薄,但係Fear 故事性亦相當好,而氣氛亦係當年FPS中數一數二咁嚇人,唔信?你依家玩多次feel feel 佢都得架!

 

 

002

 

 

第七位 – Outlast

 
ONLY ONE WAY OUT! 大家都記得達哥點玩Outlast ,雖然佢係玩得好笑,但係如果你自己拎番keyboard 同手掣,就算你睇過人玩都一樣可以嚇你一跳架!作為一個記者,仲要成日睇唔到黑暗既位置,要用手上面既夜視攝影機先睇到路,如果呢個時候有野跳出黎…

 

 

004

 

 

第六位 – 死魂曲

 
一個故事多面睇,除左動畫有之外,十三年前既遊戲死魂曲亦已經做過喇!有時你玩FPS 偷睇到人地個Mon你可能會開心, 但原來由怪物視睇睇到自己, 個心態又完全唔同架!而且隻game 部份角色又唔比你打, 比怪跑兩步又要抖 ,玩落都真係幾無助同恐怖架!

 

 

005

 

 

今日就講住五隻,想知道頭五位係邊隻?聽日MTGamer 再同你數埋剩低五位!

上一篇
【Qoo情報】ARPG「靈魂掠奪者」天空的大陸神秘登場!
下一篇
【Qoo下載】陀螺對戰新作「陀螺獸王國(ベーモンキングダム)」iOS版上架!
評論

評論

LEAVE A REPLY