【地球很危險】《CS:GO》玩家被氣球KO

講起《CS》我就諗起以前鍾意跳上啲木箱上面Camp人,不過而家打《CS:GO》就真係唔好亂咁走,因為除咗對手之外,Game入面就連個氣球都可以一嘢KO你。係呀,人就係咁脆弱架喇!

 
 
有位叫Slegg嘅外國《CS:GO》玩家日前玩緊《CS:GO》嘅時候就遇到怪事,話說佢係遊戲入面走到一張綁住氣球嘅餐檯上面,諗住Camp人嘅時候,企定一秒左右就無端端死咗。
 
 

之後佢就將錄低咗嘅Gif圖放咗上遊戲論壇分享,巴打們睇完就梗係覺得好笑啦,不過亦都有網民話出現咁嘅情況係因為隻Game嘅引擎「Source Engine」寫得唔好累事,令角色俾「氣球」同「餐檯」卡住,遊戲無法判定角色嘅高度,最後「監生」跌死咗個角色。
 
 

其實呢類角色被卡死嘅情況係現今嘅3D遊戲入面都好常見,不過《CS:GO》話晒都係電競比賽遊戲之一,物理表現咁差真係講唔過去喎!

上一篇
拳皇(KOF)番外篇:SNK死而復生奇案
下一篇
「THE SOUL OF SEVENS」:后宮般的妹子正是這款槍戰遊戲的主軸!
評論

評論

LEAVE A REPLY