【夢幻對決】3DS 有得玩 撒亞人打海賊!

雖然話依家睇皇道熱血漫已經唔再係ACG男嘅專利,不過有時好似我呢D偽毒都會同朋友討論下,到底唔同漫畫入面嘅角色邊個會勁D;除咗嗰D一野打爆宇宙嘅角色,我呢D「2到尾」嘅男仕多數都會拎兩款大家睇足十年嘅漫畫嚟比較-《龍珠》同埋《海賊王》。

one_piece_x_dragon_ball_z_crocodile_x_frieza_saga_by_ryokia96-d5sarkq

兩款都係熱血男兒必睇嘅漫畫,但係過去都係得《Jump大亂鬥》又或者一D非官方方法令佢地對打,唔通要路飛同悟空打真係咁難?嚟緊3DS將會推出兩款遊戲《ONE PIECE 大海賊闘技場》以及《ドラゴンボールZ 超究極武闘伝》,今日就有一個驚人嘅消息公開,就係呢兩款唔同嘅遊戲,將會進行遊戲界首次嘅「跨遊戲連機對戰」!

e66a39cdf08d12c37083eed664bf9690

《ドラゴンボールZ 超究極武闘伝》推出已經有一段時間,《ONE PIECE 大海賊闘技場》消息一出時大家都覺得兩款遊戲直頭只係換咗啲角色就算;遊戲同樣係可以2打2,再配上「支援角色」出戰。今次消息指出兩款遊戲可以連機打,唔知大家條氣會唔會順少少?筆者估計,玩家只能針對返自己遊戲選角,始終我就覺得無咁筍。不過詳情係點,就要等官方有進一步消息先知,不過剩係睇《ONE PIECE 大海賊闘技場》嘅Trailer 已經感受到當中嘅熱血!想玩對戰嘅朋友係時候搵返隻《ドラゴンボールZ 超究極武闘伝》出黎操定,如果唔係11月就分分鐘比班海賊屈機架喇!

上一篇pokemon go2
【PKM GO】外國Buddy System實裝片流出 搶先睇新系統
下一篇16062803304063
【攻略】《刀劍神域 記憶碎片》角色極速升LV方法 & 各結晶入手關卡&新手常見問題
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY