【惡魔城新野】《Bloodstained》製作人五分鐘爆demo!

一款好遊戲,需要好嘅開發、好嘅設計師,依家仲要一班肯預先比錢嘅玩家。隨住時代轉變,大廠就傾向出翻炒作品,新嘅遊戲系列就唔多肯比錢開發。唔緊要嘅,大老闆唔肯,咪集資囉!所以近年都有唔少知名遊戲設計師改喺Kickstarter搵銀,開發真係「好玩」嘅遊戲。

《惡魔城》製作人五十嵐孝司早前喺Kickstarter 集資整《惡魔城》類新遊戲《Bloodstained》,大家都知《惡魔城》遊戲最正就係玩探索,要speed run 就有少少難度,所以今次五十嵐孝司就喺BitSummit中示範點快速通關。E3 入面大家玩個Demo 快極都要15分鐘,而製作人五十嵐先行就示範點樣可以唔殺小怪地極速通關,全程5分鐘埋單!

雖然Demo出嚟睇落都幾《惡魔城》feel,但係有資深玩家試完就話操控上都係差少少,跳躍方面又飄;不過今次睇五十嵐先生玩又唔係好覺有呢D問題,希望遊戲成品可以順利推出,等玩家們條頸唔駛咁長。

上一篇word-image
奇幻巨作《MOBIUS FINAL FANTASY》宣布進軍國際 今夏台韓歐美事前登錄正式展開
下一篇IMG_9793
《Pokemon GO》唔洗越獄 GPS地區解鎖
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY