【最好賣】史上最好賣5款遊戲原來係佢地…

打開機嘅巴打,我諗大家每年都會買返10款8款遊戲,但當我地每個月都貢獻金錢比遊戲公司之時,大家又知唔知史上最好賣嘅遊戲係邊幾隻呢?我地先唔好理每隻game嘅售價,今日就同大家睇睇五款史上出貨量最高嘅遊戲!

第五位: 《Super Mario Bros》-超過4000萬隻
呢款喺任天堂上面推出嘅經典遊戲你唔打開機都知佢係乜料,佢喺當年為任天堂打響家用名堂,令任天堂遊戲成為全世界年青人追捧對像!更開創咗橫向動作冒險潮流,同時亦係歷代瑪利奧最好賣嘅一集。

第四位:《GTA:V》-6500萬隻
憑住遊戲製作異常認真(及成本巨大)、加上三主角遊戲模式、PC版本嘅超高清及導演模式,令到《GTA:V》成為歷代《GTA》最好銷量嘅一款遊戲,單單係賣Game已經賣咗6500萬隻,再加埋佢嘅DLC,我諗Rockstar今次真係肥過肥仔水。

第三位:《Wii Sport》 -8278萬隻
打機打得多就會肥,咁對於一班想keep fit 嘅人嚟講有咩爽得過一邊打機,一邊減肥?《Wii Sport》當年推動打機新概念,令唔少女仕都玩埋一份,唔單止game賣得好,仲令當時Wii銷售量有奇蹟一樣嘅數字!

第二位:《Minecraft》 -1億686萬隻
不過女仕更鐘意打機都係三分鐘熱度,小朋友就唔同呢!再加上遊戲本身千變萬化,只要你諗到嘅都可以喺遊戲入面重現,再加上唔少Youtuber大力推,令《Minecraft》成為全球最好賣遊戲第二位。

第一位:《Tetris》 – 4億9500萬隻
你無睇錯,我亦無講錯。全球史上最多人買嘅遊戲就係《Tetris》俄羅斯方塊。遊戲推出Gameboy時同步發售,後期更買Gameboy就送比你,不過唔好以為隻遊戲本身無吸引力,因為去到今時今日遊戲都仲有人玩…不過當然唔係呢個版本啦!遊戲當年就開創手提遊戲機對戰先河,加上玩法多變,考反應又考腦筋同策略,成為遊戲界最佳銷量遊戲真係實致名歸。

名單來源:jin115

上一篇raoq6i3zhiq78kigjuam
【VR】感受原力!今日免費做Jedi!
下一篇VS
【我依家挑你機】半裸男上台玩轉《EVO》世界格鬥大賽
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY