【欄極圈】你老味!如果呢套故事攞嚟拍電影一定好收得!

12837338_10208392957282547_1972200134_o

 

要搵遊戲同電影嘅共同語言,可以由一碗靚嘅坑腩河講起。

 

 

話說噚晚同朋友食宵夜,一坐低之後,其中一條友叫Jason,失驚無神就問我哋,識唔識一隻叫《異形戰機》R-TYPE嘅老餅遊戲。

 

 

「嗱,隻game就係橫向打飛機嘅舊嘢嚟嘅,不過講到劇情就真係不得之了喇!!」 落完單之後,Jason繼續口沬橫飛,又咩異形次元大戰人類,又咩故事組織嚴謹,劇力萬鈞之類。

 

 

聽返佢講,成個劇情要用3集嚟交代,簡單講個結局,即係人類地球軍打足3集,最後因為時空交錯造成一系列效應,地球軍變成異形,所以穿橋之後,大家終於發現,原來3集之中一直打嘅異形,竟然就係玩家自己扮演嘅地球軍。於是成件事就好灰地無限Loop落去。

 

 

「個尾包得好靚,仲要係1987年嘅平面舊game,咁都畀佢諗到,你老味!如果呢套故事攞嚟拍戲一定好收得!」Jason最後作出一個霸氣嘅總結。

 

 

睇一套電影, 估你唔到嘅結局一直都係捷徑,例如上年有套叫《逆時空狙擊》 Predestination 嘅東西, 成個故事架構大受好評,更被稱為劇透死全家嘅玩嘢之作。呢類用靚結局撐起成套戲嘅電影,觀眾最享受嘅,無非就係「呀!又畀佢講得通喎」「估佢唔到喎」之類,劇種一直都奇貨可居,計過度過!

 

 

其實電影係改編自一個叫Robert A. Heinlein嘅光頭科幻小說佬,有套短篇小說叫《All You Zombies》!咁即係話,無論遊戲平台定電影平台都可以買版權嚟玩盡佢!既然家下次世代遊戲平台發展得咁勁,再玩多啲高質電影感劇情就真係爽歪歪喇喂!

 

 


 

 

12834923_10208391850694883_1993004443_n

作者:俠味道

 

攞埋支啤酒 同你一齊吹水一齊 俠味道

上一篇001
手遊鉅作《SD鋼彈SHOOTER》今(9)日於雙平台隆重推出 同步公開遊戲特色系統及攻略 上市好康活動火熱開跑
下一篇0001341827
《天外 Online》手機版《天外英雄》試煉之塔、四大世界 BOSS 現身
評論

評論

LEAVE A REPLY