【玩勁我?!】4大經典愚人節遊戲惡作劇!

香港就唔係好興愚人節整蠱朋友,但係每年4月1日,外國朋友、甚至係遊戲廠同媒體都會盡情玩野放假新聞,令一眾玩家開心之餘,又佩服廠方嘅驚人創意。今年愚人節就未完,不如等MTGamer同大家回味下過去幾年部份有趣遊戲Prank啦!

 

實體化《英雄聯盟》?!

《英雄聯盟》就要鬥智鬥力鬥合作,不過上一代嘅長輩一定會話剩係識打機無鬼用,就算比你打到上菁英都係廢青!有見及此,Roit 就於2015年愚人節公佈話要將《英雄聯盟》化為戰棋,令玩家除左五對五之外,仲要好好練習一對一大鬥智力!唔係講笑,分分鐘下次挑戰AlphaGo 嘅就係你!

 

chess

 

 

真人射擊Game!第三身人生計劃

 

大家打機如果有得揀第一身同第三身,唔知你會點揀?小編身邊朋友多數都會揀第三身,無咁易暈之餘仲可以用一個更大嘅角度睇野嘛!Razer 喺2014年就「推出」咗一個航拍裝置,仲有專屬嘅隱形眼鏡,比你由第三身角度睇番自己背脊!第三身生活唔知係點?睇睇下面條片咪知囉!

 

 

 

全天候Gamer!水底打機無難度!

 

放長假總會想留喺屋企打機,不過屋企人永遠都會叫你做呢做路,最常聽到就係「天氣咁好不如出去啦!」。但係秒秒鐘都與時間競賽嘅社會,如果我出去同班港女游個水,我咪打少一日Division?!唔緊要!Sony 為你推出全新遊戲週邊Playstation Flow,比你體感打機再加游水!真係聽到都覺得正!

 

 

 

夢想職業?Google 的小精靈訓練員!

唔知大家細個嘅時候最想做咩工作?消防員?老師?不過最不設實際嘅就可能係寵物小精靈訓練員喇掛!但係Google就實現到大家夢想,比大家喺網路上收集小精靈!當日只要玩家在Google Map 上努力搵,就可以得到唔同嘅小精靈資訊!最正嘅係,Google 會喺你收集曬151隻小精靈後問你拎個人資料,有朋友膽粗粗比左,原來Google 係送上一張有你名嘅Pokemon Master 卡片!真係相當有心思!

 

 

 

上一篇COLOR
《部落衝突:皇室戰爭》ID加顏色官方不容許將全面移除!
下一篇NEWkeyframeB0401
《MT每日遊報》手機3D 冒險遊戲《Hammer Bomb》
評論

評論

LEAVE A REPLY