【看圖作文】新元素流出!《鬥陣特攻》新角色……..支鎗

講咗咁耐,終於有少少官方出嘅新角消息喇!角色叫咩名暫時就唔知,流出咗嘅就只有一張相,雖然我對遊戲就未到博士級咁熟,但係念在我都係《Overwatch》(特別係世界背景故事)嘅發燒友,等我看圖作文,試下分析呢張圖。
CmsjJH1UMAEcsVT
官方就做到好似流出絕密檔案咁,信件上款係J Morrison同G.Reyes,即係士兵76 ,(原名Jack Morrison)同死神(Gabriel Reyes),twitter提到嘅下款就係Ziegler, A(慈悲原名),故信件來源相信係前Overwatch 總部。角色有機會與「捍衛者」或「黑衛」有重大關係。而圖中提到的Rifle並非用作攻擊,而係配合補血彈使用。

有外國朋友就搵番陳年Overwatch 推出之前嘅介紹片,見到一個大家都未見過嘅狙擊手同埋狙擊視點,角色披住斗篷,戴住面具,而呢個造型就同地圖「多拉多」入面其中一份檔案上面,提到嘅角色「Sombra」一樣,所以有唔少玩家都會認為,新嘅輔助型狙擊手角色,就正正係大家期待已久,亦有唔少傳說嘅Sombra。

wDBFvCf

角色定位就大約估到,但係講到尾Sombra係乜水?新圖片入面,慈悲就提到一位「尊敬嘅同事」,而而呢個神秘人大家都會猜測為「法拉之母」Ana Amari。而巴西Twitter貼出黎嘅圖片除咗文字之外,收件者亦多咗一位A.Amari,所以大家都認為今次呢支鎗嘅主人應該就係Ana Amari。其後Ana Amari就消失於整個世界觀之中,故事往後亦無交交代佢喺捍衛者解散後嘅去向。而點解Sombra同Ana Amari 有關?因為當士兵76同死神同處於「多拉多」,就有機會發動一句對話,死神會對76講:”Where is Sombra when you need her?” ,意味兩位對Sombra 事前早已認識,而喺J.Morrison最需要幫助,即「捍衛者」面臨瓦解之時Sombra就失去蹤影;更重要嘅係死神係用She 去稱呼Sombra,字裡行間亦唔難睇得出呢位Sombra 同兩位交情亦唔淺,多個理據都令人聯想到Sombra 就係Ana Amari。不過黑色面具代表咩野?係代表「黑衛」,還是好似源氏一樣生化改造?

hqdefault

Sombra 等於Ana Amari呢個論點,網上面有唔少玩家都認同,聽落亦好似非常有道理。依家只係差在《鬥陣特攻》係唔係會將Sombra列為下一個推出嘅角色?呢個就係大家期待嘅地方。之前暴雪亦提過會於7月前後推出新角,大家就期待新patch啦!

上一篇
Netmarble、「IDEA」夏季更新實施
下一篇ff7-3
【經典回憶】Android版《FINAL FANTASY VII》今日發售!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY