【懲罰本王】原廠大惡搞 翻版玩家「有福了」

自古到今,遊戲廠最怕嘅事都係一班樂於「分享」嘅玩家免費分享遊戲,令到遊戲銷量大幅下跌。過去原廠就用唔同方法令到「翻版」玩家無法啟動遊戲,不過道高一呎,魔高一丈,「翻版」呢類唔駛錢又打到機嘅事又點會咁易被滅絕?廠方開始唔理,相反就開始加入惡搞機制,令到「老翻」玩家哭笑不得!喺3DM都話從良嘅時候,不如等小編同大家回味下遊戲廠到底對「老翻」玩家做過咩啦!

 

 

老翻送眼罩!海盜特別版主角登場!

「老翻」外國朋友會稱之為「pirate」,意思為海盜。Remedy 就搞鬼地將主角造型加多個眼罩,令主角名乎其實變埋海盜樣!由過去的《Alan wake》到最近推出的《Quataum break》都有修改!如果唔想變獨眼龍,大家就最好支持正版喇!

 

quantum-break-piracy-detection-will-give-you-an-eye-patch-14599364618

 ↑老老實實,其實眼罩版仲型。。。

 

玩翻版唔比加速 迫你變樓?

玩得《Mirror’s Edge》大家都係求爽快,但如果爽都唔比你爽呢?遊戲中,只要探測到玩家係玩老翻,喺教學關入面就會唔比你跑,跳都跳唔起!你都知啦,Free Run Game 無要”free”(免費),無得Run都好正常嘅,免費野邊有咁著數丫!

 

終極懲罰!一野洗走你Save!

 

不過要講到最大鑊,都一定係《EarthBound》,事關佢唔單止要你玩唔到,仲要你辛辛苦苦玩番嚟嘅心血一下子無曬!事關只要比系統捉到你玩「老翻」,遊戲去到最後大佬之前都會比你安安落落,直到去到最後!玩家會突然一個Hang機,之後會點?哈哈哈!文字我諗都唔太表現到個震撼同埋激動,不如睇睇下面條片啦!

 

 

 

不過講到最後,隨住破解神網3DM都話要從良嘅時候,遊戲唔計D呃錢dlc的話又愈黎愈平,唔知大家未來會因為無位下載開心版而唔打機,定係會多左支持正版呢?不如喺下面留言度同我地講下你有乜睇法?

上一篇圖-1
燃燒吧,戰鬥魂!《天下英雄志》3D全景對戰視頻曝光,配樂大師岩代太郎《神劍闖江湖》後又一東方幻想大作曝光!
下一篇maxresdefault (1)
【矛盾對決】全盛時期嘅大陸翻譯GAME名可以有幾SEVEN?
MTGamer編輯。
評論

評論

LEAVE A REPLY