【陳生,你係邊位?】極龍珠波士 斯路X菲利!

龍珠面世到依家大大話話都廿幾年,帶領住熱血少年漫畫去到全新世代,呢位老前輩嘅遊戲唔敢講每款都好玩,但咁多年來總有一兩款會打動過你。8月龍珠又會推出全新遊戲《Dragon ball fusions》,以RPG 形式比玩家重新體驗龍珠世界。

今次遊戲會集初代《龍珠》、《龍珠Z》、《龍珠GT》、《龍珠超》同部份劇場版故事,遊戲會將不同故事時空相連,打造出現時為止最大嘅龍珠宇宙。第一條pv所見遊戲對戰時就有少少戰棋式玩法,不過遊戲最特別就係有融合系統,令玩家除咗可以控制故事原本嘅人物之外,更可以創造出多個夢幻組合!「融合系統」中更可以將唔同時空嘅角色合體,好似可以將少年悟空同少年悟飯合體,又或者將兩位傳說最強撒雅人悟空同布洛尼合體。不過有玩家角色合體又點會少左敵人合敵?兩位老一輩Fans最鐘意嘅角色斯路同菲利亦會合體登場!除此之外仲有「神對神」入面非常搶鏡嘅破壞神「ビルス」同佢嘅助手兼老師「ウイス」都會合體成為新角色「ビルスイス」!遊戲就八月出,龍珠超最新登場嘅黑悟空到底會唔會登場就係未知之數,不過如果你係Fans,我諗都應該預先訂定隻game架啦!

上一篇BerserkBonus-4
【有圖】《烙印戰士無雙》新衫 格里弗斯變黃金聖鬥士
下一篇下載
【VR】PSVR預計年內出貨600萬 冠絕VR裝置
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY