【香港人嘅集體回憶】《石器時代:起源》試玩 搵返當初嘅感動

^29E116DAEB9C928B6D2CDC367BFA240E9C47914D4B934BC6F6^pimgpsh_fullsize_distr

《石器時代》香港人嘅集體回憶 「香港聲優配音」嘅原始世界!

《新手快速入門攻略》

經典《石器時代》正宗續作《石器時代:起源》(iOS / Android)已於今(28)日港台澳雙平台震撼公測。

《石器時代:起源》香港版登入畫面

《新手快速入門攻略》

進入石器時代 尋找恐龍起源

《石器時代》一款千禧年風靡全球嘅OnlineGame,以可愛2D風格同當時少見嘅回合制模式成功吸納一班忠實玩家,直到而家都有唔少老玩家希望搵返當初嘅感動。

而家手機遊戲《石器時代:起源》繼承前作《石器時代》嘅經典內容,以 3D 動畫風格重新塑造遊戲入面嘅人物、恐龍同場景,加入符合目前手機遊戲特性嘅社群功能等多種遊戲模式,以及更豐富嘅恐龍管理系統等。

一貫韓國遊戲特色,每日登入可以拎到豐富獎勵,啱晒我呢啲無課/輕課玩家

廣闊嘅石器大陸,玩家會喺到經歷連場嘅史詩大冒險

拉動主介面到左邊會發現角色同恐龍喺到打緊邊爐

跟住任務故事關卡會解鎖越嚟越多嘅同伴,而每位同伴都擁有不同嘅特色技能,請以解鎖心愛角色為目標去享受遊戲啦!

為咗增加遊戲耐玩度每位角色嘅解鎖條件都唔同,馴獸師你地有冇信心收集晒所有角色?

本作可以透過解鎖同升級技能增強角色能力,而裝備系統都係培養角色變強另一種手段

石器時代之「魂」 恐龍模式全介紹

《石器時代:起源》喺恐龍同戰鬥系統方面忠實還原前作《石器時代》重點元素,除咗捕捉(BOSS係捉唔到架)、培養大家耳熟能詳嘅恐龍外,包括機械暴龍「帖拉所伊朵」、「巴朵蘭恩」、小豬「烏力烏力」等恐龍都會以 3D 重新繪製登場,每隻恐龍都擁有獨特個性同專屬動作,當中恐龍外觀會隨住自身星數改變,可以見到喺新鮮感同創意兩方面廠方都落足心機。

而喺鑽研要素方面《石器時代:起源》仲保留咗原作嘅隨機素質呢個特點,當中更仲加咗「性格」系統呢個隨機項目,就算係一模一樣嘅恐龍喺性格同素質都會係獨一無二。

另外,每隻恐龍都可以裝埋裝備強化能力,而裝備亦會有稀有度。所以,偉大嘅馴獸師你地要俾心機過關拎神裝呀!

每隻恐龍有唔同嘅稀有度,不過最重要都係恐龍技能之間嘅配搭

寵物性格會影響第日寵物升級時嘅能力素質

以烏力斯坦為例,就算大家都係相同等級同星數不過戰鬥力同性格上都係有分別,玩家想培養完美恐龍相信要花更多嘅心思同運氣

多元系統 延續16年前嘅夢想家族

除左上面提到嘅人物同恐龍介紹外《石器時代:起源》仲會有唔同嘅挑戰模式充實遊戲內容,務求保持遊戲嘅新鮮感唔會咁快悶。當中「牧場」可以訓練寵恐龍提高忠誠度同改變恐龍性格﹑「討伐隊」可以邀請好友進行4人共鬥刷出大量升級肥料﹑「突襲戰」可以同朋友合力挑戰巨大BOSS拎稀有獎勵。

「部落」系統就可以集合一班志同道合嘅玩家,入面仲可以一齊參加部落遠征隊為部落榮耀而戰添,部落成員喺參加遠征關卡時仲會有部落技能加乘效果增強戰鬥力。而各部落之間會設有排名競爭,喺每個星期結算之後全伺服排名第一嘅部落,每位部落成員都會拎到水晶作為獎勵架!

《石器時代:起源》集《石器時代》成功要素之大乘,恐龍﹑背景音樂等等都可以勾起玩家16年前第一次接觸石器時代嘅感動回憶。雖然遊戲唔再係2D,但係每隻恐龍嘅造型都係忠於初代石器,而戰鬥過程同施展技能都充滿流暢性同震撼力。

重點一提,本作係冇VIP制度,唔好聽出面啲人亂噏呀!所以,就算係原始非洲人都可以享受《石器時代:起源》帶嚟嘅遊戲體驗。

《石器時代:起源》Android下載連結:http://bit.ly/2cBzRqm

《石器時代:起源》iOS下載連結:http://apple.co/2dytq4G

《石器時代:起源》官網連結:http://www.mobirum.com/zh-tw/stoneage

《石器時代:起源》Facebook專頁:https://www.facebook.com/StoneAgeTW

^29E116DAEB9C928B6D2CDC367BFA240E9C47914D4B934BC6F6^pimgpsh_fullsize_distr

上一篇26
【咁都J得】超難Puzzle Game 「性感」怪招吸客!
下一篇
SONY 音樂節奏遊戲「BAND YAROUZE」(iOS/Android)預計將於10月11日開始配信!
MTGamer編輯。
評論

評論

LEAVE A REPLY