【鬥陣特攻】五大煩膠 對抗手冊

上次就同大家分享過7位新手常見角色攻略,玩左兩個星期,如果大家仲Keep 住追我地攻略嘅朋友都應該無4字都3字頭架喇(我指rank呀,唔係年齡)。新手角大家應該合埋眼都對付到,但係如果對住D煩膠角色又真係唔知點算好,外國有網站就選出左5位煩膠角色,想知點對付佢地?睇埋落去咪知囉!

第五位: Lucio

lucio-overwatch-1200x675地上最煩膠Healer,沒有之一。Mercy係補得快,但係自保力點都差D,攻擊力又低,基本上只要一比敵方攻擊隊員target 就九死一生。反觀Lucio有大範圍Healing,移速又高,加埋滑牆技能真係難以捕捉佢下一步,就算比Roadhog小美呢類控場角色target,都一樣可以用rightclick 彈飛對方走人。萬一真係唔夠人地打,撳一撳Shift轉歌,一眨眼就唔見左,所以話佢係最煩膠補師我諗都無乜人反對。

煩膠處決術:Lucio嘅歌只要一暈佢就會停,所以用Mccree嘅閃光彈一閃,基本上只要你命中唔太底都可以送Lucio落地獄架喇。另外Lucio雖然逃走路線可變性好高,但係如果比散彈掃埋去一樣會中,所以要對付Lucio,Reaper死神都係一個好好嘅選擇。

第四位: Junkrat

junkrat-overwatch-1200x675Junkrat普通技能不斷空降炸彈,令到大家都唔知佢本身所在位置,另外陷阱同炸彈亦可以擔當控場,加上強大攻擊力,令炸彈鼠在中後排擔當常常重要位置。唔好以為殺完佢就可以完事,因為Junkrat死後仲會留低大堆炸彈,所以一個唔留神就會一鑊熟!最大鑊係佢嘅大技可以由玩家控制車輪炸彈,如果大家攻緊點,一個唔留神比佢炸死兩三件真係等閒事。

煩膠處決術:Junkrat中距離係勁,但係遠距離就只可以做活靶。所以Hanzo、Widowmaker兩位狙擊手當然無問題,另外佢近戰只有一個引爆炸彈,所以如果要對付Junkrat,用突擊型角色,好似Tracer及Reaper 都係一個好選擇。坊間有傳說Winston 嘅E技可以將Junkrat大技罩住,大家有興趣都可以試試。

第三位: Torbjorn
torb-overwatch-1200x688Torbjorn可以叫做遊戲入面最唔駛用腦嘅角色,唔駛描、唔駛走位、只要跟足朋友指示放炮塔就ok無問題!炮塔自動攻擊,又會通知埋你幾時打緊人,如果要無腦玩Overwatch,Torbjorn一定係首選。最慘係炮塔攻速慢,Genji反射都射唔死佢。當用大技Melting core,角色會多左幾百裝甲,而炮塔亦會變成level 3,無論攻擊力同埋生命力都會大大提升。痴起上黎,一隊人有兩個,甚至係三個Torbjorn ,要攻下據點都有一定難度。

煩膠處決術:對於炮塔處理方法,由於佢起發現你到開始射擊都有少少Delay,所以如果你係狙擊手就可以行出行入咁慢慢解決佢地,另外用JunkRat 同埋Pharah,亦可以用爆炸品對付佢,爆炸品雖然射埋去係要d時間,但係攻擊傷害同範圍唔細,如果Torbjorn喺附近亦可以用爆炸品範圍傷害趕走佢唔比佢返炮塔維修。

數左3位,仲有兩件煩膠係邊個?即刻睇埋仲有咩人咁難搞!

上一篇pharah-overwatch-1200x750
【鬥陣特攻】五大煩膠 對抗手冊(下)
下一篇658b0c3bd0a121895515dd55db75af7d
【鬥陣特攻】人類已經阻止唔到惡搞POTG
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY