【鬥陣特攻】咩叫衰到貼地?Rank 1 玩家自爆Troll game 心路

要成為高手,大家都可能會睇好多唔同人嘅gameplay、重播,又或者係攻略心得咁樣,不過要做最差嘅選手,又要具備咩條件?外國巴打Dale “Bacontotem” Brown就試咗做一件大家都唔會做嘅事: 將自己rank 由51 輸到落最低Rank 1,但係估唔到最後又比佢有另一返體驗。

uijggblm3xsspvcf6gfn

Brown 打完10場排名賽之後,見到自己成績唔算高,又覺得自己唔係打FPS嘅材料,所以把心一橫,決定做最廢最troll嘅玩家,成為大家嘅惡夢。Brown 立志要成為一個最Troll 嘅玩家,首先就要一個夠troll 同 夠飄忽不定嘅角色,佢揀咗Hanzo,用佢嘅「隨緣衝箭法」,好快就由51 drop到4字頭。「4字頭嘅朋友好多都好肯嘗試,亦都會努力去玩呢一個遊戲。唔少人都好似我咁,嬴少輸多。」當去到Rank30尾左右時候,Brown 依然見到呢堆朋友會有著依稀希望。

但去到Rank30中期,Brown就開始遇到「世界上面最憤怒嘅人」,Brown 一面troll ,一面比人鬧。慢慢佢發現Rank愈低嘅人,對「享受遊戲」就愈唔了解。Brown 用咗個幾月時間,成功令到自己變成咗一個Rank 1嘅玩家。最後,佢決定用一個幽默嘅方式去比大家了解遊戲係應該享受。每次有人鬧佢,佢只會輕輕回一句「I Hanjo」,扮唔識英文又可以了咗件事。不過Brown 嘅故事好快就流傳到 玩Rank 嘅玩家耳中,慢慢大家都會認得呢位「Hanjo」。

musdzxdbbzc0fyswctci

h1hvchyd9lymttuulyry
Brown 就話,其實「Hanjo」呢個形象,都係想提醒返大家打機最緊要係開心,不過如果巴打你自己喺Competitive Play 入面見到呢位人兄troll 到你爆,你又笑唔笑得出先?

原文:Kotaku

上一篇
NEXON、「胸懷三國志2 PK」9月初正式推出
下一篇
THUMBAGE、「PROJECT ARK」正式定名為「INTERPLANET」
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY