【鬥陣特攻】地獄特訓!五招提升命中率!

玩得射擊Game當然就緊係想百發百中啦!不過大家都知唔係人人都係射擊能手,想喺《Overwatch》competitive play推出之前練好一身好本領,咁當然要比D心機練習下啦!但係好多時唔係話練就練,到底點先可以練到一手好射術呢?Youtube Channel WTB Gold 今次就唔係教你去邊度Farm gold,而係教你點一步步腳踏實地提升自己命中率。片主話自己用以下訓練,兩星期由十幾%升到有差唔多50% !係唔係咁堅先?一齊睇睇佢有咩訓練項目啦!

訓練一 射綿羊訓練

要訓練就一定要將自己推向極限,而作為香港人,噪音就絕對係一個令人難以集中嘅元素。Sheep呢個網頁minigame相信大家都有玩過,5個機會,比大家去麻醉眼前想走佬嘅綿羊。如果佢噪成咁你都仲集中到,打《鬥陣特攻》時就完全無問題啦!

http://www.bbc.co.uk/science/humanbody/sleep/sheep/

訓練二 顏色反應訓練

要練反應,令身體、肌肉有記憶都係一個有效嘅方法,而顏色轉換就係其中一個常見訓練方式,當mon嘅顏色一轉,你就要立即反應。一般人反應大約係0.2~0.3秒,而運動員一般可以提升到0.1到0.2秒。即係變相快普通人一倍,睇黎呢個訓練相當重要!

http://www.humanbenchmark.com/tests/reactiontime

訓練三 瞄準訓練

除左反應夠快準繩度都非常重要,你反應快但係打唔中就真係無乜意思。呢個訓練就要你喺指定時間click中標靶,只要miss夠3個就會gameover!盡你嘅能力喺呢一丁點時間中click 曬所有靶,令你嘅point又快又準啦!

http://www.aimbooster.com/

訓練四 動態瞄準訓練

比起訓練三嘅aimbooster,今次就更講求精準,因為除左要快,要準,今次仲要求你唔可以miss!你每click 完一次,遊戲靶就會轉位,你就要用你嘅反應追住佢黎click,就好似平時你玩《Overwatch》入面估計方位置一樣,最重要係唔好Miss 打草驚蛇!

http://www.albinoblacksheep.com/flash/shoot

訓練五 距離訓練

做完一大堆訓練自己反應嘅野,當然要實習啦,呢個時候就要你入番《Overwatch》,去到Practice Range入面,好好熟習你用緊嘅角色,除左計算距離之外,仲可以試埋唔同角色hitbox,令你對你自己角色更得心應手!

***訓練精要***
訓練當然就唔係做一set就得啦!每日最起碼做10組射綿羊(50次)、50組顏色訓練(250次)、10次瞄準訓練、10次動態瞄準訓練同埋起碼5分鐘距離訓練,當然如果你有時間當然可以練耐D,如果無時間咪練少D,呢D就因人而異啦。兩個星期包見效,如果無效唔該你去搵番WTB Gold。

##小貼士##
如果你自己用緊電競滑鼠,不妨將dpi Set高少少,可能你會話:咁咪好快好難控制?少少啦,不過要做到反應夠快,mouse point夠快,呢個都係一個要點;滑鼠加速呢個都係要點,因為電腦會因應你mouse嘅移動速度改變指標移動距離,簡單講,你手既移動幅度一樣,距離就唔同左。呢個功能亦有出現喺Windows 滑鼠設定入面,如果想有大進步嘅玩家不妨一試!

來源:WTB [email protected]

上一篇overwatch_fi_42
【鬥陣特攻】屈機!五大OP角色 逐個捉
下一篇
RPG「WANDER CROWN~七大陸和被遺忘的島國~」Android先行下載開放!QooApp全城首發APK檔
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY