【鬥陣特攻】屈機!五大OP角色 逐個捉

上次就同大家講過五個煩膠角色,相信大家依家都有對付佢地嘅妙法,但係有某D角色,又真係點睇都高人地一兩班。今日就同大家講講五個OP角色,睇下又會唔會有你平時用開嘅角色?

第五位: Widowmaker 奪命女

overwatch_fi_42

口號都叫得「One Shot,One Kill」,奪命女殺人能力就真係有保證。可能Console用手掣玩黎講佢唔係太出色,但如果你係用Mouse嘅話就見到佢嘅強勁之處。首先佢唔似其他射擊遊戲,奪命女跟據人物設定,角色呼吸比平常人慢而令皮膚變藍,奪命女喺瞄準時準星唔會有上下浮動。對於玩開射擊遊戲嘅朋友黎講,可以輕易「拉鎗」,將對方角色置於死地。不過奪命女角色命中修正就無半藏咁強,所以要求嘅準繩度亦相對比較高。一個好嘅奪命女可以喺後排幫大家推線,亦可以用大技幫大家搵到敵人位置;不過如果玩得差就同打少個無分別,

第四位:Lucio 路西歐

overwatch_lucio_gamescom_2015

Lucio真係一個合埋眼都玩得掂嘅補師,唔需要好似Mercy咁一對一,亦唔需要好似Zenyatta要望實自己友。Lucio長期大範圍群heal令到佢成為唔少推車地圖一個重大幫忙,加上佢大技一次幫大家補上極高Sheild,往往可以喺群戰,甚至係遊戲最後幾秒令戰局180度改變。高手用當然勁,但本段初都講過,用Lucio 根本唔駛識瞄,只需要出現喺隊友附近已經有強大助力,就算真係唔夠打,最後都仲可以加速走佬,你話佢唔OP?唔係掛?

第三位: Torbjorn 托比昂

torbjorn-oveerwatch-header

CB後曾經有講過托比昂將會被Nerf,但係到今時今日為止,托比昂依然強勁。托比昂勁除左係可以為隊友製作護甲之外,最重要嘅當然就係佢嘅炮塔。炮塔佢嘅距離遠到驚,如果用法拉直頭就好似比人duck hunt 咁樣比人打落黎,另外炮塔每開一鎗都可以幫托比昂累計絕招bar,令到托比昂成為遊戲中其中一位最快累積絕招嘅英雄。守點地圖入面托比昂只要搵個陰濕位放低個炮塔,一個唔該就已經可以收幾個頭,再搞唔掂?不妨學托比昂大叫一句”MELTING CORE!!!!!!!!!!!!!!!!!!!!!!!!!”

第二位: Roadhog 攔路豬

28762

講起有攻擊力,又識回血,你當然會諗起士兵76;76係勁,但係如果可以加埋控場就不得了喇。而攔路豬就正正有曬咁多樣功能:厚血,高攻,識回血,仲有唔止一招而係兩招控場,可以拉人之餘又可以用大技推開敵人;續戰力高又難殺,令大家對佢都恨之入骨。明明打到佢差唔多死,轉個頭又補番血,如果企定定喺車仔隔離,又或者加多個Healer 喺佢身邊,真係想打死佢都難。另外攔路豬嘅簡單combo令到唔少薄血角色都可以被秒殺:一勾一射,200血眨下眼無曬,個勾判定又大。可能你會話「佢都乜坦技,做坦完全唔得!」,有時D野又唔駛咁死嘅,攔路豬做副坦,可攻可守可推車,只要拎佢放番喺一個合適嘅位置,要屈機,其實唔難。

第一位: McCree 麥卡利

maxresdefault (6)

第一位唔駛講都一定係佢架喇,憑一招秒殺combo 令麥卡利完全無視所有角色能力。只要去到多轉角位嘅地方,準備定你嘅閃光彈,一掉,再加多野rightclick,任何角色都立即變蜜蜂巢。殺佢唔死咩?一個翻滾上曬彈,再補多六鎗,要收頭真係好似執豆咁執。唔鍾意光明正大?唔緊要,兜後路,撳一撳Q,「It’s Highnoon.」幾聲鎗聲伴隨住敵隊慘叫,Play of the game 又係你拎喇!難怪鬼仔都成日串話McCree = Press Q for play of the game 啦(按Q登上精彩重播)!

名單來源:Paul Tassi[email protected]

上一篇TLoU-Remastered-pic1
【最遊戲】(除了生化危機以外的)喪屍遊戲TOP 8!
下一篇maxresdefault (7)
【鬥陣特攻】地獄特訓!五招提升命中率!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY