【鬥陣特攻】常見強勢英雄處理方法 (下)

 

hodor面對住全遊戲最厚嘅盾,相信唔少玩家都相當無力,加上Renhardt可以自行調整護盾角度,加埋條血真係成隻game最難殺既角色之一,加上中距離近戰武器,令Reinhardt成為大家最鐘意嘅坦。Reinhardt最可怕之處唔單單係來自佢本身,而係佢嘅大盾可以為佢唔同隊友做Cover,令到敵隊見到目標都打唔入。

要對付Reinhardt 嘅盾,都係不外乎打爆佢或者兜過佢。如果決定要打爆佢,你可以用番Bastion,或者係BastionS(無錯,係眾數),集火於Reinhardt 嘅盾上面,由於佢開盾會降低移速,如果你多過一隻Bastion,相信佢埋到你身之前佢都已經升左天。另外你亦可以用Pharah;Pharah本身火箭攻擊爆風大,自身攻擊力亦十分高,但由於飛得慢,平時對付其他角色比較難命中,如果對Reinhardt嘅盾牌,一方面盾牌位置大,二來Reinhardt移速慢,要以Pharah嘅火箭打爆其盾牌就非常有效率。

如果唔正面突破,你就可以用Tracer 或 Reaper呢類神出鬼沒角色,偷襲Reinhardt背部。此時Reinhardt只有兩個選擇:一,收盾對付你。此舉就中正下懷,你嘅隊友就可以喺Reinhardt收盾之時大收人頭。或者Reinhardt會相信自己隊友,由你慢慢打;不過呢一個機會可能性十分低,試問邊個玩開fps嘅人被人打仲會企定定?

push the car pls

Widow Maker 係咁多位角色入面殺人指數最高嘅一位,只要大家有Sniper Sence,要用佢連殺15人跟本無問題,加上走佬技能隨時轉位,係一位非常強嘅殺手,另外佢嘅Q技可以令所有隊友睇曬對方全隊位置,難聽D講呢條八婆真係屈到爆。

不過佢遠攻係強,但一被接近嘅話就危險少少,如果撞正走佬技都cooldown緊就更大鑊,要對付Widow maker,可以用島田兄弟(Hanzo 及Genji兩位),佢地嘅爬牆技能可以迫Widow maker 交出技能cooldown;另外D.va同Reinhardt嘅護盾都可以保護隊友,D.va更可以開住盾飛埋Widow Maker身邊打埋身,只要埋到身,Widow Maker 條命仔就凍過水。

reaper

去到最後一位大家常見嘅英雄,佢就係「真。新手殺手」Reaper,話佢係新手殺手唔係指佢專殺新手,而係新手用佢好多時都會累炒。用得死神一定要了解地圖,出現喺敵隊背後偷襲,如果一被拉距離,呢位「死神」就真係可以去見死神喇。

Reaper本身喺攻擊及防守角色入面有最高血量,250再加殺人後回血,在場上續戰力十分高,要對付Reaper,就一定係拉開距離,但係如果比佢埋左身又點算?其實坦克入面D.va 及Reinhardt都可以將佢推走,Reinhardt更可以釘實對方直飛場外,所以呢兩位角色對Reaper 都有一定克制能力。另外Reaper 在敵人隊伍當中需要不停走位以減低傷害,所以能夠限制Reaper移動嘅角色就非常有用!Macree嘅閃光彈同埋小美嘅冰槍都可以令Reaper乖乖企定定,比你慢慢射,當佢殺唔到人,回唔到血,就點煩都無用啦!另外頭先都提過,Reaper會喺敵隊之間遊走,所以大範圍攻擊都對Reaper 做成一定困擾。

 

來源: Ben Bertoli, kotaku

上一篇0001382802
《星之後裔》最強之劍與墮落魔劍覺醒登場 公會戰系統更新
下一篇f1451810-f163-4a1e-8615-ce644a88fba6
【鬥陣特攻】常見強勢英雄處理方法 (上)
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY