【鬥陣特攻】常見強勢英雄處理方法 (上)

大家玩左《鬥陣特攻》都個幾星期,相信大家對遊戲都已經慢慢上手。不過唔知你有冇發現,有幾款英雄基本上每次你遊戲你都會見到,而且出現率十分高!今日就同大家分享幾個常見英雄嘅對抗方法,等大家未來就算喺戰場上面見到佢地都唔駛再比人撳住嚟打!

annoyingskillessBastion 可以話係新手殺手,只要佢企定定喺啲鬼祟位,一個唔留神你就已經賣左咸鴨蛋,就算比你知佢喺邊,作為新手又唔知點先埋到身,要對付佢都真係幾煩。不過Bastion 一個幾大嘅弱點就係需要「定炮」,令到佢移動作大減,一被偷襲就算死唔去都會重傷。如果你係隻身作戰,你可以試試用閃光或者死神,出奇不意兜後路偷襲,如果Bastion 單獨守後排,只要你描準小小佢都好難唔死。

如果你身邊有坦角,又或者你本身係坦角,D.va 同Reinhardt都係一個好好嘅選擇,D.va嘅護盾可以吸引大部份遠攻;而Reinhardt嘅盾亦可以阻擋Bastion嘅炮擊,你嘅隊友就可以用呢個空檔將對方Bastion擊殺。又或者你係Hanzo或者Widow Maker兩位狙擊手,你都可以用你嘅眼界一鎗了結佢,Bastion 變形之後雖然會收埋個頭,但係頭部就會收喺炮管後方,只要你眼界好,又或者由高處狙擊,要headshot 都唔係無可能!

76

士兵76係一位典型FPS角色,相比其他角色就無太大Overwatch特色,不過新手上路要黎了解遊戲就非常合適,加上大技自動描準,令76成為常用角色大熱。76高攻、有快速移動,而且識自己補血,單體黎講相當強勁,但大部份攻擊(包括rightclick)都為實彈,要講佢嘅剋星就必定為Genji莫屬。Genji E技可以反射大部份實彈,加上移動力高,配合二段跳及Shift突刺,要追殺76並無難度。

不過要擊殺76,最好方法其實係令佢無法自保及逃跑,Roadhog嘅勾以及Reinhardt嘅衝擊都可以令76保命技暫時無法使用,令76死亡率大大提升。

abominationRoadhog 係四位坦角中最進取嘅角色,高血高攻,神勾加Shotgun Combo亦令部份少血角色慘被秒殺,同時成為唔少新手恩物。中近戰可以話係上級嘅Roadhog,要破佢亦唔係無可能,Roadhog上彈時間慢,如果每下攻擊之間有非常大嘅空檔,只要你拎高血角色同佢玩,佢嘅優勢自然消失,所以拎其他幾位坦角對抗,相信都有唔錯效果。

當然,Roadhog最高輸出就係埋身戰,如果你改用中距離角色,又或者可以放出其他攻擊裝置嘅角色,例如係矮人托比昂,將佢血量慢慢扣,亦係一個唔錯對策。另外一個大家都可以試試嘅角色就係小美,小美冰鎗範圍唔算好大,需要持續傷害先可以令對方結冰;而Roadhog身形巨大,被冰機會亦非常高,到時再right click 打頭,要處理Roadhog亦唔難。

fireinthehole

有Roadhog又點會無Junkrat? Junkrat 有極高攻擊力,武器亦以拋物線投擲,令對手防不勝防;加上死後會留低炸彈,大絕放出後就算你殺死角色本體佢一樣會殺到人,可以話係完全唔要命嘅攻擊型角色。

Junkrat同Bastion一樣,唔少玩家都會當佢係移動炮塔,所以對付佢同對付Bastion一樣,要出其不意,喺佢對住天空開炮時偷襲。Tracer 同埋 Reaper都係一個非常好嘅選擇,唔少玩家用Junkrat都有一個壞習慣,就係只會向天開鎗,而可視角度就睇唔到其他角色咁濟,所以你亦可以試用Macree,以閃光彈配Rightclick,將血量較少嘅Junkrat 擊殺。

當然唔埋身,因為頭先提過視角問題,狙擊手們都好易落手,要對抗佢嘅絕招,其實都唔係唔得,因為個車輪只有100血,只要你可以秒到佢就OK喇!不過要打一個移動力咁高嘅目標,靠自己對眼又未必有咁準,所以托比昂嘅炮塔都係保命技能之一!

常見英雄又點止四個?下一頁繼續同你拆解其他常見英雄!


 

今日焦點

【鬥陣特攻】快速升LV必備 遊戲經驗值詳細計法

【鬥陣特攻】外掛入侵?多功用外掛淘寶$250有交易

【VR】英國研究人員成功用VR治療抑鬱

【VR】虛擬遊戲對撼!索尼微軟VR鬥法前哨戰!

【最遊戲】銀彈準備!2016年最受期待大作TOP 10!

上一篇f1451810-f163-4a1e-8615-ce644a88fba6
【鬥陣特攻】常見強勢英雄處理方法 (下)
下一篇
MMORPG新作「天空與大地的交錯諾亞」事前登錄開跑
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY