【鬥陣特攻】復活救世界 「慈悲」快速上手教學

222

萬眾期待嘅《Overwatch》終於喺噚日推出,唔知大家覺得隻Game好唔好玩呢?如果大家想成為《Overwatch》高手嘅話,咁就一定要記熟全數共21隻角色嘅用法同應對方法,所以今日小編借此機會分享路人局比較少見嘅輔助型英雄之一 「慈悲」嘅快速上手教學。

如果用普通MMORPG職業做比喻,慈悲絕對喺《Overwatch》入面嘅祭司,佢除咗可以幫隊友補血或者加攻擊力之外,仲喺遊戲內唯一一擁有復活技能嘅角色。由於慈悲近乎0戰鬥力,用佢果陣記得要同隊友一齊行。正所謂醫者不自醫,慈悲唔可以幫自己補血,所以大家記緊要用一切盡方法避開一切危險,要特別小心閃光同死神閃入黎將你秒殺,同埋D.VA或者萊因哈特撞開你。

Overwatch-6-1280x733

慈悲技能簡介

天使之杖(左鍵)
按下Mouse左鍵即可以為15m以內指定隊友每秒回50血。由於此技能可以幫滿血隊友使出,所以記得要留意隊友血條,以免浪費時間同錯失為冇血隊友補水嘅機會。

天使之杖(右鍵)
天使之杖除咗補血,仲可以為15m以內指定隊友增加30%攻擊力,幫士兵76、法拉、麥卡利等等高輸出然色落Buff效果一流。順帶一題.鎖定目標後使出天使之杖時,準心唔需要對準目標都可以持續幫佢補血或者加攻。

天使光槍
慈悲唯一一個攻擊手段,由於攻擊力實在太低,除咗身邊冇隊友迫住要拎出嚟自保之外,小編唔建議喺其他場合使用此技能。

守護天使(Shift)
關鍵時候可以即時飛血指定隊友身邊幫佢補血,由於依招技CD只有2秒,用嚟趕路都係一個唔錯嘅選擇。另外外守護天使對隊友嘅屍體都有效,混戰內可以用作走位用。

天使緩降(被動技)
天使緩降可以減低慈悲從高處墜落嘅速度,如果隊伍內有法拉嘅話,你更加可以配合守護天使,快速逃離危險,甚至留喺半空幫法拉加攻擊力。

復活(Q)
Heroes never die!慈悲招牌技能,同時喺《Overwatch》內唯一一招復活技能。此技能可以復活慈悲身邊15m內,等緊10秒重生時間嘅隊友。畫面會顯示邊身陣亡隊友嘅數量,睇準時機,簡簡單單一個Q制隨時可以扭轉戰局。另外復活需要一秒施法時間,幫隊友復活嘅時候要注意身邊敵人。


今日焦點

【最遊戲】御姊最高!充滿S味的強氣女角TOP 10

【VR】攝影師訓練VR程式登場

【鬥陣特攻】當OVERWATCH遇上DARKSOULS?黑暗特攻型爆!

【VR】勁科幻!英國陪審團走入VR世界重組安情!

【VR】有線VR麻鬼煩 微星:「孭部腦上身咪得囉!」

上一篇9aa86df8ac0a970be95e04248b3be27a
【最遊戲】御姊最高!充滿S味的強氣女角TOP 10
下一篇0001379604
手機遊戲《天子》即日起雙平台啟動公測 跨服 3 vs 3 對決登場
MTGamer編輯。
評論

評論

LEAVE A REPLY