【鬥陣特攻】快速上手 新手8大要點!

《鬥陣特攻》大家都玩咗一晚,我諗大家都開始知道遊戲到底咩來頭,但係唔少玩家都只在意殺敵,錯過咗遊戲主軸,咁啱希治閣就喺外國網站見到8招新手上手秘技,今日將會同大家分析一下!

overwatch_mac.0.0


教學模式?算勁數啦!
唔少遊戲會有新手教學,《鬥陣特攻》當然唔例外。不過遊戲嘅新手教學只係簡單教你行前後左右,放下技能咁樣,其實你只要有基本FPS sence 你都會識!所以如果你打算喺遊戲教學模式學到D咩嘅話,我怕你會好失望……囉。


知己知彼 百戰百勝!
要玩得好,當然要了解遊戲,其中角色定位就係非常重要嘅一點。唔同角色定位互相配合將會發攝揮更大戰力。攻擊、防守、坦克、輔助角色都要好好運用,令到大家喺戰場上面佔盡優勢,唔知邊種角色啱自己?不妨睇睇我地另一段報導!

由易玩起 一星開波!
遊戲入面每個角色都有分難度,由一星到三星,大家都明白三星角-好似源氏同半藏係型到爆,但係上手亦唔易,到自己狂死嘅時候就真係柒到爆。所以了解遊戲,地圖同打法時,個人推介用一星角起手,因為唔少一星角都有保命技,好似士兵76有補血、死神有無敵…喺自己真正了解遊戲之前,都係用番D穩陣角色啦!

game-khung-overwatch-se-chinh-thuc-mo-cua-tren-toan-the-gioi-tu-95

了解每個角色!
頭先提過,用角色就要搵d易上手嘅,不過當你玩到咁上下相信都一定搵到個你啱用嘅!不過啱用之餘,你都要了解唔同角色特性同技能,當大家同場對戰嘅時候你都可以「用自己方法」去對抗,如果唔係真係死左都唔知咩事喇!

 

見招拆招 隨時轉英

《鬥陣特攻》其中一個有趣嘅地方就係可以比你隨時轉英雄,令大家戰術可以自由配搭,亦可以隨意更改,令到遊戲戰術變化成為遊戲其中一個重要元素,由全攻型戰術,去到玩野嘅6坦推進亦無問題。呢隻game最正就係你論你點玩都得,最緊要就係變通同反應快,要用奇招突擊完全無問題!

做好本分

了解到每個角色定位之後,你就會慢慢發現每個地圖大家都有特定任務,例如坦角負責開路,攻擊角色突破敵人防線,每位玩家在每場遊戲都會有獨特定位,好好了解自己在隊伍中的位置及戰術,加上隊伍朋友的默契,配合遊戲中的語音及內建交流指令,要嬴完全唔難丫!

25852425310_0b9bb024bd_b

耳聽八方 隨時閃人
《鬥陣特攻》中每位角色都有自己絕招,一招分分鐘可以清到場!而使出大技時每個人都會有獨特音效,大家記得戴住Headphone,時不時留意身邊唔同聲音,咁就可以避免被一次過清場嘅事情出現喇!

大技唔駛慳!
遊戲特色之一就係頭先提過嘅大技,大技會透過玩家進行攻擊慢慢儲到,每次遊戲其實都可以儲到好幾次大技,而大技亦可以互相配合,扭轉局勢,所以如果大家儲好技能,不妨同隊友夾一夾,嚟個突擊,隨時令遊戲戰局有翻天巨變!

以上八點都係大家喺《鬥陣特攻》中作為新手要留意嘅地方,每場比賽留意足以上幾點,要在每局遊戲後上榜,甚至拎埋Play of the game都完全無問題!想了解更多有關《鬥陣特攻》嘅內容同攻略?記得留意MTGamer喇!

資料來源:網路論壇、theverge

 

今日焦點

【最遊戲】御姊最高!充滿S味的強氣女角TOP 10

【鬥陣特攻】復活救世界 「慈悲」快速上手教學

【VR】攝影師訓練VR程式登場

【鬥陣特攻】當OVERWATCH遇上DARKSOULS?黑暗特攻型爆!

【VR】勁科幻!英國陪審團走入VR世界重組安情!

【VR】有線VR麻鬼煩 微星:「孭部腦上身咪得囉!」

【鬥陣特攻】蘿蔔定靚腳?外國網友惡搞女角「閃光」

 

上一篇0001379868
《魔域聯盟》版本更新今日上線 推出 30 張全新卡牌
下一篇
【鬥陣特攻】蘿蔔定靚腳?外國網友惡搞女角「閃光」
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY