【鬥陣特攻】遲來的不專業開箱 典藏版入面有D乜?

是咁的,世界上最遠嘅距離,有人覺得係追唔到女神、有人覺得六合彩中曬隔離,但係希治閣就覺得,係訂左隻Game但係未到,而同一時間你又見到全世界都玩緊,仲要被老總日日叫我寫有關嗰隻遊戲嘅新聞。不過皇天不負有心人,希治閣喺外國訂嘅《鬥陣特攻》典藏版終於到貨,今日就同大家分享下入面有乜野。

black

box

美國Amazon 用左4日先將呢件有10kg嘅貨運到香港,希治閣自己都買過暴雪旗下其他遊戲嘅典藏版,不過講真今次比個盒真係嚇左一嚇,希爸仲問我係唔係喺買左個微波爐。典藏版外盒有個黑色外套套住,而白色嗰層就印咗現時已經登場嘅21位英雄。
allbook
當一打開外盒,就見到大大個印住「Soldier 76」紙盒,相信呢個就係Soldier 76嘅Figure,另方邊就放住畫冊、明信片、Soundtrack、鐵盒裝《Overwatch》遊戲一隻同埋每隻鬼佬版暴雪遊戲都有嘅虛寶code。

IMG_5454
畫冊入面有每位角色嘅設計圖、技能設計等資料,詳細講述角色設計靈感及來源。明信片方面就係唔同地圖嘅設計圖,同埋時Loading畫面類似。

大家最在意相信都係Soldier 76嘅Figure,Figure以PVC製作(好似係),上色方面就模仿青銅像,Figure 上面嘅坑紋都有鐵銹色,感覺飽經風霜,更切合Soldier 76嘅角色背景。底座上亦印有Overwatch logo,如果對故事沒甚認知的巴打可能唔會有咩特別感覺,只會覺得遊戲角色印上遊戲logo 正常不過;不過如果你了解Soldier 76的角色,就知道Overwatch 對佢黎講意義重大,亦係佢嘅包袱。

soldier76

logo

《鬥陣特攻》典藏版就快速同大家睇左一次,無計啦,佢琴晚先到,我都要快快手手寫埋段文繼續打機喇!

上一篇DVa_005.0
遊戲情報科 – EP56 – 2016/05/27 返黎喇!!
下一篇
【VR】唔輸PS VR!傳微軟VR遊戲今年E3曝光!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY