【鬥陣特攻】阿媽係女人式教你如何有效升level!

大家見到title都知呢個post嘅內容都係D大家可能一早知嘅事,不過有D野可能唔覺意就真係會Miss左,不如今次就借呢個post 同大家重溫下有D咩要點可以令大家升得快D啦!

overwatch_fi_54
努力玩 咪走場!
都無乜貼士比呢個更無用,Keep住玩努力升就一定無問題!每日首勝有bouns之餘,更重要係千其唔好走場!每次走場系統都會mark底,走夠一定數量就會有exp減半懲罰,最爽嘅係系統會因應你走左幾多就罰你幾耐,筆者試過因為屋企network 唔穩而打到半路唔打,最後比人罰左萬幾exp,所以無咩事都千其咪走場。

三五成群爽到爆!
打機有咩爽得過同朋友玩?當然就係同朋友玩之餘仲有bonus啦!玩《鬥陣特攻》只要同朋友一齊組隊玩,就會有額外20% exp bonus,即係每升5個level就送一個比你!咁著數唔係唔拉朋友玩掛?

Lothar Overwatch 750
同一陣容 連住玩有Bounes
除左同一班朋友玩,你連續玩都一樣有bonus。只要同一個queued,連續玩,玩多兩局就會有每場額外200exp比番你,如果半路被指派入場仲有多200,即係400。雖然就無20%咁著數,但係有bonus真係唔要?


要嬴!
呢句點聽都係廢話,但係又唔到你唔理。好多新手就以為殺人會多D分,有分都唔夠嬴一場咁多分,如果你打得正正常常,嬴嗰隊2~3000exp就一定走唔甩;如果你黑仔,輸左都有千幾exp,相比之下分分鐘差幾倍。咁要嬴定殺人,你自己揀。


拎牌有bonus
每一場遊戲尾都有一個榜,講番唔同玩家成績;唔好以為要殺人先上到榜,其實每個角色只要發揮所詳,都一樣可以上到去!輸出、回血、反射傷害,甚至係幫同伴玩家防衛一樣可以上到榜。除此以外,每場遊戲仲會因應5個元素再進行評分,分別為:攻擊、回血量、任務時間、任務擊殺同擊殺,每隊頭3名又有額外Bonus!

Overwatch-XP-Screen-01
上網打有著數

有唔少玩家都會覺得自己未夠料,寧願自己對ai慢慢打。講真邊有進步架,你上網同真人打仲好啦!而且同真人打所得到嘅exp亦比同ai打高得多,所以如果真係要升level,都係上網打啦!

資料來源:usgamer


 

今日焦點

【鬥陣特攻】暴雪挑戰Rule 34 全面封殺18禁同人作品

【鬥陣特攻】二次課金?Loot box值唔值得買詳盡分析

【鬥陣特攻】挑戰人體極限!源氏 反射技能逐個捉

【VR】白貓子公司開360電視台 6大頻道免費收睇!

【VR】Daydream硬件需求極高 想玩就要買新電話?

【VR】虛擬、現實完美結合!天煞過山車睇得又玩得!

【VR】三叔Gear VR出手掣 無MOTION SENSOR點玩?

上一篇0001380888
《托蘭異世錄》第 3 章迎向劇情高潮 關鍵地圖登場
下一篇0001380833
《刀鋒無雙》二部曲「元化重生」情報及熔爐系統搶先公開
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY