【鬥陣特攻】 競爭模式有乜改搶先睇

《鬥陣特攻》Competitive play 第一季已經差唔多到尾聲,雖然只係第一季,但係今季入面已經令唔少朋友投身《鬥陣特攻》嘅戰場之中,不過大家唔多唔少都對呢款推出唔算太耐嘅遊戲有d意見,特別係競技模式中唔少設定都唔算太公平。暴雪亦收到大家意見,決定於日後嘅「第二季」競技模式中進行修改,期望可以做到更公平,更耐玩同更有趣。

第二季份改入面,將會拎走大家最憎嘅部份: 擲公字同突然死亡。唔少玩家表示呢個位非常唔公平,好多地點都易守難攻,令到好多巴打喺比賽五五波嘅情況下都會因為一次運氣表現而輸;第二季中就會拎走呢個部份,改為有機會出現「打和」,令到遊戲唔再以運氣分勝負。

Skill Level 方面顯示亦會有所修改,由現時1-100,修改為分Tier。未來將會分為銅、銀、金、白金、鑽、Master及Grand Master 共7級。除咗最高級嘅Master 及Grand Master 之外 ,玩家就算點輸都唔會跌出自己現時嘅Tier。即係話,唔再好似以前咁,每打完一次都怕輸會跌rank 而唔打上去。

不過針對高階玩家,暴雪亦新增了一個小項目。為確保高階玩家唔會打到高級排名後「潛水」,暴雪會針對高級玩家推出扣分機制,如果玩家7日唔login 並進行「競爭模式」遊戲,玩家將會每24小時被扣50分!不過50分算多定少,都要睇返佢第二季嘅排名模式點計先知。

依家所公開嘅資料都仲係好初步,未來官方就會於PTR server 及patch note 中更詳細講述 第二季嘅修改,如果想了解更多就記得緊貼MTGamer喇。

上一篇word-image
原班人馬打造經典江湖手遊《劍俠情緣-手機版》 找到屬於你的義氣江湖
下一篇word-image
《部落衝突:皇室戰爭》錦標賽高勝率卡組 礦工毒火鍋流派重現!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY