【鬥陣特攻】串咀Filter?口臭即變小學雞

有玩開Moba 遊戲嘅朋友,覺得最燥係乜?Lag機?隊友廢?定係綜合完上面所講嘅野後,對面隊喺大炒你之後再串你咀?有時明明只係輸少少,但對面隊就同你講”Easy”,有時真係燥到想一野掉爛個Keyboard。

我相信我唔係唯一一個有呢個諗法嘅人,因為未來Overwatch都會加入一個串咀Filter,將呢類大家見到都燥嘅字眼一次過filt走曬佢,仲會幫對面改返做D 小學雞對白,襯返佢個小學雞性格!例如打「GG EZ」,第一次講就會幫你自動變「大家打得好好!」、第二次就會變「真係榮幸可以同大家打」,但係精彩嘅事由第三句開始。當你第三次講「GG EZ」嘅時候,系列就會自動幫你改咗做「媽咪話我呢個年齡唔應該再啜手指」,又或者係「媽咪求你比我玩多一鋪啦!」呢類暗示自己係小學雞嘅說話,認真搞鬼!

依家呢個系統就暫時喺PTR 服有得試,會唔會實裝落正服就仲未知。如果有興趣做小學雞嘅巴打記得入去PTR 服度串下咀喇。

上一篇CqG_XppWAAACgv4
【死得眼閉】PKM GO官方出Email畀被封用户
下一篇pokemon_go_in_thailand
泰國想靠《Pokemon GO》推景點
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY