【Dota2】VR睇比賽?Valve 實裝VR場景睇比賽!

睇MOBA遊戲比賽直播,都不外乎係睇住個遊戲畫面,加埋個實況哥哥一邊同你做賽評,一邊睇返遊戲畫面。如果有個位可以比你邊睇比賽,你仲可以隨心所欲地睇到你需要嘅資訊,你又覺得如何呢?

早幾個月Valve 就預告未來將會推出全新Dota2比賽觀賞模式,可以比玩家睇比賽之餘,仲可以睇埋邊位角色出咗咩裝,仲有個3d小地圖放喺你面前。雖然當時條片得短短十幾秒,但大家反應已經相當唔錯。系統8月8日更新,SteamVR用戶可以 與最多15位朋友一齊睇比賽,更推出DOTA 特別版SteamVR 頭部固定帶,fans們睇黎都要破一破費喇。

Dota-2-Vive

不過話時話,SteamVR要黎打機就話正啫,如果戴住佢要睇個幾鐘頭比賽,甚至睇住成日,我諗都應該幾辛苦。未來其他遊戲都應該會一步步加入類似系統,令觀眾們睇到比賽之餘又可以得到更多資料,期待下一款支持呢個系統嘅遊戲出現!

上一篇
《Marchen Forest 》Developer Interview
下一篇GAME
【PKM GO】 收伏訓練員 多多反擊戰!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY