【GamesCom2016】暴雪會場直擊有乜睇

全球其中一個最大型嘅遊戲展《Gamescom 2016》將會於8月17到21號喺德國舉行,全球大型遊戲廠都會去到德國呢個遊戲盛事展出下半年自家遊戲同時間表。其中暴雪於五月推出《鬥陣特攻》之後,成功吸納埋一大班Casual 及FPS玩家,今年Gamescom 暴雪當然會有一個大型展覽區!不過今年到底會有乜睇?今日暴雪官方都出咗預告,不如大家又一齊睇下今年佢地會有乜睇啦!

PUAS6GKX3QNT1470743342069

今年暴雪推完新作後大推電競,Gamescom中亦將會舉行多款遊戲比賽,更會請到世界頂級隊伍到場現賽表演及直播,玩家們更可以於Gamescom中搶先體驗《魔獸世界》7.0改版;18~21日期間,現場又會有Legion Café為大家準備《魔獸世界》主題嘅食物同飲品。會場亦會有世界兩大公會Set Sail for Fail 及 From Scratch 示範新副本嘅攻略法。

《D3》方面,官方表示參觀者可以玩曬三代Diablo遊戲,《爐石戰記》就會請到專案卡牌分析師解讀最新卡牌及其用法。另外三款電競遊戲《鬥陣特攻》、《星海爭霸2》及《暴雪英霸》亦會於台上進行大型比賽,《鬥陣特攻》及《暴雪英霸》比賽獎金獎品更會總值高達100萬美金,去唔到現場嘅巴打都可以睇返佢地官方直播,一樣可以感受到電競氣氛。

gift

咁有展覽自然就有野賣啦,今年Gamescom 暴雪都會準備咗唔少特別禮品,詳情可以睇呢度。咁係唔係唔去就買唔到呢?都唔係嘅,香港嘅巴打一樣可以去返佢地官網訂購,不過會場限定嘅禮物就幫你唔到喇!

上一篇
Netmarble、「魔物學園」3周年大規模更新實施
下一篇
Devil’s Run降臨BlackRidge鎮 攞第1贏Lamborghini Diablo Super Veloce  
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY