【MT外訪】 《Dead Rising4》製作人示範最新Demo

講到最惡搞嘅喪屍遊戲,我諗大家心目中嘅排行榜點都會有《Dead Rising》喇。《Dead Rising 4》將會於今年12月推出,到底遊戲咩來頭,有咩玩法?今次我地有幸搵到Capcom Vancouver製作室Jon Airhart為大家試玩及介紹遊戲。

今次新作中,主角Frank West 會再次來到第一集的城鎮,於一個全新嘅商店小鎮進行冒險。全新一次喪屍危機中,有唔少同軍方有瓜葛嘅線索,Frank會再次潛入敵陣,做一個盡責嘅記者為大家搵新聞,Jon亦即時試玩咗最新Demo比大家睇。

今次遊戲系統會與《Dead Rising3》頗為相似,其中拯救生環者方法都與第三集一樣,只要將生環者附近喪屍清理後即可以完成side quest。雖然今次Demo完成度唔高,但係就已經可以比玩家試用到各種Combo武器及載具。玩家可以於遊戲內搵到唔同藍圖,之後組合最強最惡搞武器。今集玩家可以同時間配備近戰武器、遠戰武器及投擲武器各一款,令戰鬥比過去更方便,更換武器時亦有一個小小嘅時間暫停時間,相對之下打boss就無以前咁辛苦。

IMG_0027

今集其中一樣全新系統就係軍用裝甲-EXO suit,Frank 著上Exo Suit 後就可以好似iron man 咁刀鎗不入。另一方面EXO suit亦可以令Frank 變得力大無窮,除咗可以一拳打到街邊D車都反之外,仲可以拎起EXO Suit 專用武器,例如重型機關鎗同火鎗。

dead-rising-4-1 最後筆者都問到《Dead Rising4》會唔會好似舊用咁有唔同遊戲嘅Crossover?Jon 就話呢個係遊戲系列嘅特色,不過依家就未講得住;另外大家都可能會想知Frank離開咗咁耐,今次冒險入面會唔會見到過去咁多集嘅主角又或者角色呢?Jon 就笑笑口話呢D嘢真係無人知,如果佢今次爆咗出嚟嘅話可能返到去會比人打一身咁話,咁好啦,唯有放過你啦。

IMG_0030

遊戲今年12月6日將會於Xbox One 同Win10同步推出,想早d玩就記住預訂定喇。

上一篇IMG_0040
【MT外訪】Xbox遊戲盛典2016 新機「天蠍」有料爆!
下一篇Gears-of-War-4-Key-Art-Horizontal
【MT外訪】微軟資深經理談《Gears of War 4》
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY