【MTGear】 旗艦滑鼠 Chaos Spectrum G900 試用後感

作為Logitech 無線旗艦滑鼠,Chaos Spectrum以3年時間研究及開發,到4月初公佈時引起了當時不少Logitech Gaming 系列愛好者的回響。今日筆者見到實物,在試用兩日後為大家分析及重新介紹這一款Logitech 旗艦滑鼠啦。

包裝呢D大路門面野我就唔太花筆墨去講,始終大家買隻Gaming mouse番去都唔係為左佢個盒。手感方面其實都唔錯,筆者平日用開Razer Deathadder,所以難免會拎兩款mouse黎做比較。G900 size 相對就比較細,相對就貼近亞洲人手形,加上佢自定左右對稱設計,可以隨時將側鍵修改,並將mouse變為左手mouse,對於左手玩家非常貼心。

格式工廠IMG_8971

滑鼠重量只有100多g,無線滑鼠來說非常輕巧,加上左右兩鍵機械式設計,回彈力比一般電競滑鼠好,聲音亦非常清脆,對於部份聲音控玩家來講絕對可以滿足佢地特別要求。唯獨滑鼠將大部份零件放在滑鼠較前位置,重心亦會傾前,所以啱啱開始用嘅時候都要花少少時間習慣。

無線Mouse大家最在意就係電量問題,大家都怕打到一半無電。G900內置鋰電池,用足一日都無問題,佢嘅叉電線亦可以隨時將G900變做有線mouse,所以嚴格黎講佢係雙修,dpi 亦去到12000,相信電腦腦解像度去到4k都無問題。Gaming mouse 亦有程式對應,內置5個profile,比你就算玩唔同game都唔駛每次由頭set過。

格式工廠IMG_8973

雖然呢款mouse就為專業電競選手而設,但我相信睇得我呢邊都未必會有咁多電競選手,不過呢款mouse 數據上就話可以喺幾萬人嘅電競會場都唔會受到咩大影響,我地呢邊就無咁多部電話同wifi設備,但係我地拎曬全公司幾十部電話放埋一齊,mouse 都無乜影響,相信大家喺屋企用嘅時候都唔會有咩大問題…..掛。

講到尾,一款無線mouse 可以做到咁嘅靈敏度、重量都叫交到功課,喺早幾星期嘅發佈會入面,官方就話係針對「接收能力及延遲、精準度、電池續航力及耐用度」,除左耐用度我未試到之外,其他三樣都絕對係無線mouse 中頂級。不過叫得旗艦作品,售價都傾向貴D架喇,依款Mouse 索價$1299,值唔值得就睇你願意喺電競上付出幾多喇。

格式工廠IMG_8981

上一篇0001380297
《快樂餐城》募集老手回娘家 擴店計畫啟動中
下一篇Clipboard01
【VR】白貓子公司開360電視台 6大頻道免費收睇!
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY