【PKM GO】 《Pokemon Go plus》有乜用?

《Pokemon Go plus》睇落就係一個章,又係一條手帶,但係作為fans 黎講300幾蚊一條手帶又好似貴咗少少,但係到底佢有乜作用呢?無理由剩係閃兩下燈掛?今日官方終於公開到底呢條神秘手帶實際有乜用!

156921

《Pokemon Go plus》其實係一個藍牙低用電量嘅裝置,可以同你電話入面嘅《Pokemon Go》互動,將你一路遇到嘅Pokemon 經閃燈同震動話你知,可能你會話:「咁同電話有乜分別!」,分別就大喇,因為佢除咗提示之外,仲有唔少方便功能,好似自動捕怪。

當玩家用緊《Pokemon Go Plus》 ,並喺佢發出提示之時,只要玩家撳一撳《Pokemon Go Plus》上面嘅按鈕,佢就會進入自動戰鬥;你行完街,拎返部電話出黎,你就知道你捉到幾多隻新小精靈喇。唔單止咁,當你行過PokeStop,《Pokemon Go Plus》都會有唔同顏色顯示燈,呢個時候你都係需要撳一撳個掣,就可以喺Pokestop 度拎到唔同道具。

《Pokemon Go Plus》定價為3000 日圓,但係幾時出貨就暫時未知,不過買到都無用啦,香港都未有得玩。

上一篇unspecified
《刀劍神域 虛空幻界》繁體中文版發售日與首批限定版公開
下一篇top2
【擺明搶錢】PAD扭蛋活動 舊限定囡囡大集合
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY