【Pokemon Go攻略】實試伊貝改名仲得唔得 老手都未必知四個小技巧!

<<<點我看其他《POKEMON GO》攻略>>>

今日同大家介紹4個技巧好可能連老手都未必答到你,大家不妨睇下自己識幾多樣:

①道館點樣先拎獎勵?每日可以拎到幾多次?最多可以拎幾多間?

②點用Incense 同Lure Module 先最抵?

③點樣先拎到精靈蛋?Pokestop有額外獎勵?

④伊貝外名大法仲work唔work嫁?有人話仲用到,有人話改咗喎!


 

①道館點樣先拎獎勵?每日可以拎到幾多次?,最多可以拎幾多間?
每參與一個道館防守就可以拎500星塵同10 Coins,要你佔領期間(參加同陣營防守一樣)先可以入Shop拎,假如你咁唔好彩打完之後想打多個道館期間被人攻破返,咁就無得再拎獎勵直到你再佔領,每一次按完拎獎勵需要21個鐘先可以再拎,而且每次最多獲得5000星塵同100 Coins (佔領10間),你佔領10間以上獎勵上無分別(相信好難做到佔領10間)。

IMG_0242

▲成功佔領道館第一件事記得入Shop拎獎勵,右上角會顯示你現時所佔領數目。

IMG_0171

▲如圖當一次拎2間道館獎勵得1000星塵同20 Coin,之後右上角會顯示等幾耐先可以再拎


②點用Incense 同Lure Module 先最抵?

Incense 同Lure Module都係升LV捉寵消耗品,當你用哂升級獎勵,之後唯有乖乖課金,但都要知道點用先用得高效率,首先我地了解返Incense 同Lure Module效果先:


https-%2F%2Fblueprint-api-production.s3.amazonaws.com%2Fuploads%2Fcard%2Fimage%2F141259%2Fusing-incense-pokemon-go

▲Incense
效果:吸引精靈到玩家身邊 (30分鐘)
吸引來的精靈會出現於右下雷達
吸引來的精靈只有用家可見
間中會出現中上稀有精靈

Pokemon-Go-set-Lure-iPhone-screenshot-02▲Lure Module
效果:吸引精靈到PokeStop旁邊  (30分鐘)
受吸引精靈會在PokeStop 5米範圍內出現
除了右下雷達以外,其他精靈都會被吸引來
吸引來的精靈全體玩家可見

睇完就知Incense係自私用,Lure Module係做福人群(一次開幾個直頭係偉人)
Incense同Lure Module效果係可以重時間使用,但要發揮Lure Module最大效果要去到4個以上非常接近嘅PokeStop同時開啟Lure Module,基本上企定定都有捉唔完嘅寵。
Incense最大效果就要不停移動,當你企定定唔行可能等5-6分鐘先會有一隻出現,但保持行走就大約2分鐘出現一隻,所以建議大家開Incense搵有大量相近PokeStop就可以。
IMG_1593
▲網上圖片「四連櫻」位,Lure Module最佳發揮,搵到呢類位基本上放心已經有其他玩家長開2-3個Lure Module效果,你幫手開埋淨餘嘅PokeStop坐定定中間就有捉唔完嘅寵。
FED81jn▲網上圖片沿路佈滿「櫻花」開Incense一路沿住行就最好,又有充足補給。


③點樣先拎到精靈蛋?Pokestop有額外獎勵?

目前精靈蛋只可以係Pokestop獲得,而只要玩家係30分鐘內轉十個Pokestop,第十個就會出6或以上樣道具、100XP、如果你精靈蛋9個位未滿仲送粒畀你。

pokestops▲行夠第十個Pokestop會有額外多道具獎勵,大家不妨夾埋上面Incense搵有大量相近PokeStop就行一轉。


 

④伊貝外名大法仲work唔work嫁?有人話仲用到,有人話改咗喎!

就為大家實試伊貝改名進化大法,捉十隻伊貝嚟做呢個測試,每一隻都跟足哂步驟改好名,重開一次App先進化,同一屬性唔連續進化,睇下呢個方法仲work唔work!

IMG_0243▲一車車嘅伊貝準備去做進化測試,一隻一隻咁改好個名重開App之後去進化,其間輪住唔同上一次揀相同屬性。

 

IMG_0244▲除咗上圖個9隻仲有一隻係改左叫Rainer但進咗雷,大家睇到今次測試10隻當中只有3隻係跟名進化(2水1雷),相信改名進化大法已經唔Work!但就好似以前打「Gameboy Pokemon」明知捉精靈狂按AB制無用,都係要狂按,我會繼續改咗名先進,反正改定無壞,但會加多樣步驟拜埋個神先進!

 

 

上一篇war
伊利達瑞報到!《軍臨天下™》8月11日搶先體驗惡魔獵人
下一篇Fusion x64 TIFF File
《銀河霸主》將於8月25日正式發行 前往浩瀚宇宙 體驗4X戰略遊戲 享受銀河戰役!
MTGamer編輯。
評論

評論

LEAVE A REPLY