【VR】真.無線頭盔 雙手自動當控制器

VR頭盔愈出愈多,依家市面上有唔少選擇,有平有貴,有可以駁電腦嘅。又有可以插手機嘅,真係豐儉由人。不過除咗頭盔以外,控制器都好重要,如果可以唔需要拎任何野,單憑雙手就可以控制到VR內環境,呢個都好似唔錯。

Intel 剛剛公開咗自家嘅VR 頭盔,暫時佢就未有確實名字,暫稱為「Project Alloy」。「Project Alloy」同市面上大部份VR頭盔最為不同之處就係佢無需要駁線,咁係唔係意味住佢會以Wifi傳送影像?都唔係!因為「Project Alloy」其實已經內置一部小電腦!VR頭盔前仲有多個鏡頭,令到玩家可以直接將手部動作化為Command,令大家更加有投入感。雖然聽落好方便,但係如果內置電腦,「Project Alloy」嘅重量同用電量應該都唔弱,影片同示範中未有提及到相關資訊。而今次「Project Alloy」所推動嘅係將現實與虛擬融合的Merged reality。不過現時Intel 無太多有關嘅資訊流出,如果想知更多 有關消息,可能都要再等下喇。

上一篇pkmonkr
【PKM GO】韓國地區限定精靈?!韓國有機械人捉
下一篇
CAPCOM東京電玩展2016出展情報公開!「被囚禁的手掌」將提供試玩
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY