【VR】NEO專用?無MOVE玩唔到?PS VR八大重點懶人包!

blognews-173

《Biohazard 7》竟然完全支援PS VR,售價又似乎唔係貴,一時間令到唔少人都想試下呢款即將喺10月中推出嘅全新設備。如果你無乜接觸過VR技術,搞唔清楚佢嘅功能同需求,以下速睇懶人包一定幫到你!


Q1:無PS4用電腦版得唔得?

正等如Oculus Rift同HTC Vive都要駁電腦,PS VR都一樣要連接PS4主機先可以運作。SIE目前未(亦都應該唔會)公佈可否將PS VR支援PC,用得PS VR都係玩返PS4 VR專用TITLE啦。
sony-playstation-vr-bundle-will-arrive-with-camera-and-move-controller-501801-2


Q2:聽講一定要用新果部PS4 NEO先玩到喎!

非也,現行PS4一樣玩到PS VR。但按常理推測,新版本PS4性能升級,運行要求比傳統遊戲高嘅VR遊戲時表現一定較佳。未來亦有可能會推出「新版PS4限定」作品,但事實就係目前尚未有相關消息。


Q3:即係有部PS4加個PS VR就玩得?

但PS VR加埋PS4主機仲係未夠,你至少都需要多一個PS Camera先得。如果你幾年前有買過成套PS MOVE嚟玩,可能就已經擁有PS Camera,否則就需要另外買一個(官方建議零售價$468)。日本會有「PS VR+Camera」同綑版(49,980日圓),反而PS MOVE手掣就視遊戲本身要求,並非必要。
PlayStation-Camera


Q4:我無PS MOVE手掣點算?

一如上面所說,要PS VR「運作得到」其實無需要MOVE,PS4手掣本身就已經有定位功能,可以應付到簡單抓取同指向操作。之不過部份遊戲可能會為改良操控效果而要求玩家有一隻甚至兩隻MOVE,視需要再買都未遲。
PS_Move


Q5:我好深近視,除眼鏡戴頭罩同盲咗無分別喎!

唔洗擔心。PS VR眼罩內部留有唔少空位,足以戴上眼鏡再戴頭罩,隱形眼鏡當然更不成問題。
maxresdefault


Q6:我屋企好細,有無話要幾多位先玩到PS VR?

不似得HTC Vive經常要求玩家有個3m X 3m空間,PS VR比較推薦玩家坐低玩,所需空間唔會大過用手掣玩傳統遊戲好多。但都係果句:不同遊戲有不同要求,好難一概而論。


Q7:頭罩得一個人戴,我班Friend/男女朋友咪好無癮?

VR裝置有個通病就是太「獨食」,難以將樂趣帶畀身邊人,PS VR會以「SOCIAL SCREEN」去解決問題。SOCIAL SCREEN分兩種模式--「Mirroring Mode」會剪裁PS VR畫面再放上電視畫面顯示。「Separate Mode」則改為顯示一個不同於PS VR畫面嘅第三身獨特視點,一樣可以幫助旁人投入遊戲世界。
psvr-game-1458099012-jTkb-column-width-inline


Q8:有無乜野周邊值得買架?

截至目前,PS VR只得一項周邊設備名為「PS VR AIM」,專為PS VR遊戲《Farpoint》而設。製作商聲稱周邊可以同遊戲入面嘅虛擬槍枝100%同步,令人玩得更投入。留意佢個槍頭位置雖然有個發光波波,但其實唔需要(亦唔可以)將PS MOVE手掣插入去用,售價同發售日期則有待公佈。
Ck4514vWsAAl_rb

上一篇image002
《暴雪英霸》夏季全球冠軍賽、《爐石戰記》亞太區春季冠軍賽即刻開打
下一篇
休閒桌球新作「呆頭鴨嘴獸的蜜瓜包桌球」iOS/Android版配信開始
評論

評論

LEAVE A REPLY