任天堂角色將殺入環球影城

任天堂破天荒肯同DeNA推手機遊戲,無非係想開多條財路改善業績,尋日佢哋再宣布與環球主題樂園及度假村合作搞搞新意思,帶一眾任天堂角色殺入環球影城,玩真人瑪利奧賽車不再是夢!
現時環球影城分布於美國奧蘭多與荷里活、日本大阪及新加坡,未知邊間有幸能加入到任天堂主題園區。要數近期嘅例子有日本環球影城,佢哋先後加入《哈利波特》、《進擊之巨人》、《Monster Hunter》、《EVANGELION》及《生化危機》主題館,吸引到唔少遊客慕名前往大阪觀賞。官方稱環球影城將會網羅任天堂最出名嘅角色同遊戲,目前任天堂正與環球影城團隊設計具體概念,未來將會有更多相關細節公布。
上一篇84072
Ubisoft下星期揭露《刺客教條》新作
下一篇84075
重頭作星級待遇 Ubisoft搵Annecy工作室協助開發《The Division》
評論

評論