電玩中古店 -《No More Room In Hell》喪屍殺人實錄

───────────────────────────────────────────

 

電玩中古店不但會為各位介紹中古佳作,更會網羅各種滄海遺珠的佳作,一一為大家介紹。

 

───────────────────────────────────────────

 

 

由生化危機,Left 4 Dead系列,優秀既恐佈求生作品比比皆是。故事中,主角往往係幸運的一群,除左有無窮主角威能外,更可能有獨特基因被咬,被感染,更厲害既係連發病最終都可以逄凶化吉,重知一句到尾,最後無事。

 

 

如果各位都覺得呢一類型既故事已經滿足唔到你,又或者唔想再睇主角威能,同時可以發揮各位求生大師既豐富經驗及知識,更想同一眾好朋友好兄弟逃出生死關,今次介紹作品絕對岩各位口味!

 

 

 

 

 

電玩中古店第7期為大家送上經典-No More Room In Hell

 

 

一個充滿人性與求生慘劇

 

 

No More Room In Hell世界觀

 

 

以未日為背景,玩家將會成為未日城市中的最後八人,從各個絕望場景中,從一眾活死人群中逃出生天,成為最後生還者。

 

 

《No More Room In Hell》遊玩畫面

 

 

● 充滿人性同熱血遊玩過程

 

 

《生化危機》《Left 4 Dead》系列係大家心中惡佈求生作品的代表作,其中主角群如何從慘劇中逃出生天,往往係大家醉心其中的原因。可惜,近年來這些代表作慢慢由惡佈求生類走向動作類層面,脫離絕境求生設定,主角不但能以拳頭打爆怪物外,更有一連串支援團隊為主角服務。

 

 

 

《No More Room In Hell》遊戲過程

 

 

 

《No More Room In Hell》正正能夠滿足希望真正感受絕境求生既玩家,

 

 

 

遊玩過程中,玩家需要係無資源支援下逃出生天,對!你無睇錯係無資源支援同時無情報支援,玩家只能而身邊常見物品去保護自己(生果刀,鎚仔,鐵剷),玩法亦與大熱王道作品完全不同,玩家可與多位朋友合作過關。與過去同類型與別不同之處,角色被攻擊後或死去後會有絕大機率喪屍病毒感染,慢慢身體變得遲緩,最後成為喪屍一員(哭,身不由己的),再次爬起身來攻擊餘下生還者。

 

 

 

可以話幸運既係,生還者受感染後可以利用藥物減緩感染,對!一旦感染沒有方法能醫治。為左唔好累全家,玩家亦可以選擇吞槍自盡(條件係你要有槍),以免禍及好友。

 

 

真司試過無槍自盡下變成喪屍,再次爬起來背後突襲生還既好友,導致全團,被隊友友善的問候一番,場面何其悲壯。

 

 

《No More Room In Hell》角色畫面

 

 

 

● 爽快協力過關,最大八人過關

 

 

《No More Room In Hell》其中最強大既地方係支援八人同時協力過關(真司:多人未必係好事,哭哭),同時以STEAM為連線平台,要同好朋友過關真係話咁易。雖沒有華麗CG過場畫面或整齊有序有故事線,但八人同時以有限資源及充滿危機環境下過關,朋友間嘻嘻哈哈咁又一日,必定能夠創造不少美好回憶。

 

 

 

真司有感

 

 

小編接觸No More Room In Hell系列充分體會到真正絕地求生既滋味,偏向真實玩法亦令真司(資深無雙型玩家)後悔一直沈醉於主角威能。同時亦希望各位能支持有心的小型開發團隊,本土作品有賴各位支持方可更進一步成長。

 

 

P.S.1 有興趣可以先觀看一下真司遊戲影片了解《No More Room In Hell

 

 

 

P.S.2 最近《No More Room In Hell》有重大更新,希望各位可以一試

 

 

 

 

 

 

興趣玩家可以到STEAM下戴一試No More Room In Hell》: http://store.steampowered.com/app/224260/

 

 

 

22222_shinji22

上一篇
【Qoo下載】模擬變裝新作「MIRAMIRA」iOS/Android版上架!QooApp獨家提供APK檔!
下一篇word-image
全球玩家PK啟動!《泰坦英雄》繁體版Google play開放下載
評論

評論

LEAVE A REPLY