電玩中古店 -不滅經典《小朋友齊打交》

 
古今以至科幻動作系列作品數之不盡,由金庸,古龍到動漫遊戲,其中主角都有絕頂必殺武功。各位細個一定試過以為自己係勇者轉生或「被選中既細佬」,係公園,係街,總之係邊都可以幻想成為正義大戰既場地。如果各位係想重拾當年個稚氣情懷一番,又想同一眾好朋友好兄弟再衝破大佬難關,今次介紹作品絕對岩各位口味!
  

1
 

電玩中古店第六期為大家送上經典-《小朋友齊打交》

 

一個街頭小霸王既故事

  

● 《小朋友齊打交》世界觀

以科幻為背景,玩家將會扮演英雄小將,以各個場景開始,過程中將遇上及擊退各個英雄,最終目的係打敗當年人稱「冰火佬」FIRZEN。
  
2

《小朋友齊打交》遊玩畫面

 

● 友情與熱血既遊玩過程

《龍珠》《忍》《幽遊白書》係當年大家沈迷作品,其中角色間打鬥場面及必殺技都令大家著迷。當年家用機至手提機仍然未普及至各個家庭中,更莫論遊玩日系遊戲作品,但電腦可以話基本配置於家中或學機資訊科技房中,亦成為《小朋友齊打交》傳遍街知巷聞的主因。

  

同時,《小朋友齊打交》正正能夠滿足各位夢想,角色間出招均有各大動漫人氣角色影子,角色間各有特色,與其他作品只是換衫而已不同,由舞空術,屈波昇,影分身,地道香港味道既冰火拳皆有收藏,各大人氣作品共冶一爐大鬥一番,定必令各玩大叫:爽呀!

  

3
  

遊玩過程中,玩家可通過各種必殺技將敵人大肆八塊,玩法亦與當年大熱作品「電玩中古店第五期介紹過的《吞食天地II 赤壁之戰》同類型」,玩家可與多位朋友合作過關。與過去同類型特別之處,由於運算能力有限,當年家用或街機未能同時展示多於十個角色同時活動,但《小朋友齊打交》可以突破此界限,同時活動角色可達至百人,玩家可感受萬夫莫敵,無雙作戰。真司當年電腦都算唔錯,試過用忍者影分身暴走至超過百人,導致電腦過熱損壞,被伯母狠狠教訓一頓,場面何其壯觀。

  

4
 

《小朋友齊打交》選角畫面

 
《小朋友齊打交》中,角色皆有獨一無二的必殺技,並非單一以「大彈」為必殺技,由宇宙大爆炸到魔笛控制敵人;總之一句講灑,人氣招式,有幾型出幾型!
 
5
  

● 爽快協力過關,最大四人過關

當時,網絡連線技術未普及(56K上網),電腦遊戲仍然以一人為主導,鮮有多人協力遊戲,網絡上遊戲亦只停留於FLASH階段。
  
《小朋友齊打交》其中最強大既地方係多人連線或多人過關,只要鍵盤在手即可以與最多4位好友同時遊玩過關,盡用鍵盤上的每一粒字粒,由英文鍵至數字鍵皆運用到。好隊友不在家或阿媽唔比朋友上來玩?唔緊要,可以用「連IP方式多人連線」,完全係當時突破設計,係學校又好係屋企都好幾時約戰都得,話咁易。雖沒有華麗CG過場畫面或壯絕的故事背景及世界觀,但四人同時合力過關,朋友間嘻嘻哈哈又一日,必定勾起各位各種回憶。

  

● 真司有感

小編最初接觸《小朋友齊打交》系列,記得當年有電腦同學唔多,要玩一係電腦室(基本上一定比訓導鬧)一係朋友屋企(唔夠容立咁多人)。但一有機會玩,一定玩得樂而忘快,快樂時光重係過得好快。
  
經過多年後,再接觸《小朋友齊打交》,熱血與快感仍然絲毫不減。同時亦希望各位能支持本土作品,本土作品有賴各位支持方可更快成長。
  
有興趣可以免費官方下戴一試或重拾《小朋友齊打交》:http://lf2.net/download_lf2_b5.html

  

22222_shinji22

 

上一篇word-image
全球PK對戰手機遊戲《泰坦英雄》魔幻英雄人物搶先看  
下一篇word-image
【打機打出名堂】 唔比人睇死!第一屆電競節開幕!
評論

評論

LEAVE A REPLY