【E3】《Biohazard 7》Demo 多結局解構!

上年動漫節 Sony 嘅 PSVR就有好多demo比大家試,除左大家最有印象嘅《Summer Lesson》,仲有嚇到大家一褲都係嘅《The Kitchen》。Demo試完,大家都唔知咩事,原來搞咁多野都係為左《Biohazard 7》鋪路。

E3 Sony嘅發佈會之後,隨即大家就可以下載到《Biohazard7》嘅Demo,唔少巴打都立即喺網上面公開自己玩呢個Demo嘅流程同埋唔同結局嘅教學,講明先喇!下面段文一定有少少劇透,如果你想自己玩嘅,睇到呢度好停喇。

遊戲大家一起身就會喺一間廢棄嘅屋企入,而你唯一嘅目的就係離開呢個鬼地方。遊戲前言就無乜特別故事交代,除非你搵到一餅陳年錄影帶。而呢餅帶就需要你拎到「大剪鉗」後,再拎去大門口前對住,上左鎖嘅櫃入面拎到。拎住餅帶去到遊戲入面唯一一間有電視同VCR嘅房間你就可以睇到間屋到底咩料,(詳細唔講喇,故事自己玩)。而結局一就係當你睇完錄影帶,行出大門之後發生;結局二就係你訓醒嘅房入面有個fuse box,你就要裝番好粒fuse,從而發動二樓暗梯。當你上完暗梯你就會見到一間戶,入面有一部電話,只要玩家手多多走去聽,電話另一邊嘅女人就會講野。聽完個電話,當你聽到人聲再望埋去就會有劇情睇架喇。至於第三同第四個結局都其實大同少異,不過電話內容就有少少分別。

到最後整合一下現時已知4個結局觸發情況:
1. 睇帶,唔拎Fuse,直接出門口。

2. 睇帶,拎fuse,聽電話。

3. 出門口探索完一輪,之後開暗格拎fuse,上二樓,你會發現model 公仔會擰轉身望住你,之後再上樓上聽電話。

4. 一起身乜都唔理,極速開暗格,裝fuse,之後跑上二樓。當你夠快手腳,你上到二樓時model就唔會望住你(外媒教路直頭望住佢地,等佢地無機會擰轉身)之後再上去聽電話。

Demo雖然短,但係就留底左唔少迷題比大家。其中兩樣外國網站討論得比較激列嘅分別係:」model 公仔手指」呢件item,唔少巴打都覺得佢似一條鎖匙,到底有乜用?又另外一樣野就係,廚房入面嘅斧頭除左打爛二樓嘅木箱又有無其他作用?

其他迷題集:
1.錄影帶中多次出現女鬼,到底何方神聖?

GHOST2.斧頭可以打爛唔少木箱,但係二樓嘅model公仔就只可以打爛最近電話嘅一個,點解另外兩個打唔爛?
3.電話附近嘅相片中,當你反轉佢佢就會有一句字:「佢地係唔係喺直昇機上面望住我地?」
4.電視機附近木櫃箭咀又係咩一回事?Cs9s0Cr

入面仲有唔少未confirm嘅疑似迷題,到底今次《Biohazard7》係玩鬼、寄生生物定係玩喪屍?定係好似第六集咁玩動作game?睇黎都仲要D時間先見到隻Game真面目。希望到時遊戲會有更多解迷元素,滿足下一眾老派Bio fans嘅期待啦!


 

今日焦點

【E3】《Biohazard 7》Demo 多結局解構!

《Pokémon GO》最新情報公開 今年7月有得玩!?

【最遊戲】E3熱門討論遊戲TOP 10!第一位竟然不是生化危機或戰神...!?

【搓HER BREAST】捽完好打啲?《限界凸旗》新片越搓越大!

【有片】《FFXV》變左做小朋友齊打交!?

【E3流言】新Demo彩蛋?《Biohazard2》重製有望?

上一篇1
《權力王座》 打造最強部隊 征戰世界吧! 戰鬥力提升完全指南 優秀狼群基本守則
下一篇48b11beb4523b68cf4f37a5f24e42f49
【R.I.P.】用口作畫 日本勵志插畫師壽志郎離世
資深遊戲玩家,主編網上遊戲資訊節目《遊戲情報科》深受巴打歡迎,期望身體力行,証明比全香港睇打機真係搵到食。
評論

評論

LEAVE A REPLY