《Zombie Army Trilogy》 打喪B希特拉

[cover SectionID=”68223″][/cover]
以喪屍為主題遊戲出極都有,不愁没有捧場客,近排就有隻重cult味TPS喪屍遊戲《Zombie Army Trilogy》靜雞雞登場,不過因為香港沒有代理入貨做批發,故宣傳廣告欠奉,亦只有少量水貨遊戲店有賣,game海遺珠所以市面沒有太多人留意到,Kali本著服務大眾為機迷們試game精神,加上最近又玩《Bloodborne》玩到極度不安,當然躬先士卒第一時間揾喪B希特拉返來發洩下兼做twitch啦!
故事夠cult 槍槍爆頭
《Zombie Army Trilogy》三部曲顧名思義,其實是英國獨立遊戲開發商Rebellion Developments高清重製其Sniper Elite系列中的《Sniper Elite V2》同兩隻已推出的DLC ,再加全新完全未發表過的第三部曲《Sniper Elite V2:Nazi Zombie Army 3》一併推出,故事以二戰末期納粹希特拉第三帝國時代做背景,虛構出進退失遽的希特拉,臨近敗仗之際藉暗黑邪惡力量,將納粹德軍變成喪屍兵團捲土重來!遊戲有三個episodes 大約共18個chapter,以剿滅喪變後希特拉及其納粹黨羽為目標,整個故事同大部份cult片或B movies一樣,基本上兩三句便可以講完:由狙撃手Karl Fairburne與來自德美俄三國的精英,組成狙擊小隊—起瓦解這邪惡勢力,最後喪無可喪的希特拉被打回地獄去…完。可以講是幾乎沒有甚麼劇情可言,没太多storytelling,賣點主要在與超大量如曱甴般隨處也有的喪兵周旋,以狙擊槍爆頭是主打元素,每當準確地射中頭部,就有—段子彈劃空横射爆頭片段慢鏡重播,滿足玩家自high中槍爆頭的精彩畫面。四人歡樂天地打喪兵
遊戲例牌除有孤獨型玩法外,亦有多人合作模式,有見及此Kali即召喚了幾位同好,組成四人小隊起程到柏林射殺希特拉邪惡喪兵團!《Zombie Army Trilogy》本身是Sniper Elite系列的遊戲,所以都好明顯是以Sniper Rifle作為主武器,次武器可以選多款的重機槍或shotgun,而第三武器亦有多款手槍可選擇, 個人較喜歡用的Karabiner 98k sniper rifle再加shotgun,手槍就以麥林最powerful,近距離可以一槍爆頭! 角色方面有4男4女選用,不過只是外型上有所分别技能上全是一樣,除了三支槍械旁身外,亦有4種不同手榴彈,可攜帶land mines、trip mines 和dynamite等,不過手榴彈補給就比較少,玩家必需在適當時候才用,忌浪費!
[inbox SectionID=”68226″][/inbox]
Kali喪爆後感
呢隻game要有朋友玩先至過癮,除咗可以設定難度,仲可以好似煮飯咁set幾多人份量,1至4人玩嘅喪B數量set到啱為止,其實set最難但2人份量嘅喪B,就啱啱好打得最暢順,事關有啲真係勁喪用重型機槍嘅大喪B,同周圍喪衝嘅自爆喪B仔,確係好麻煩嘅對手,當兩者同時間出現,若果唔快啲解決機槍B,就會好易比佢掃死全軍覆沒! 咪以為喪B喪喪地冇乜腦,有某啲Al係會識得追住你打,例如狙撃喪B,機槍喪B,好似同狗一樣,越大隻智能就越高咁款。坦白講打得喪B game就係要喪爆頭,啪一下再血花四濺果嗰畫面又的確幾過癮嘅,好似有中咗獎嘅感覺… 玩《Zombie Army Trilogy》其實可以練習提升自己瞄準嘅技術,當練靶場玩都唔錯㗎。
[cover SectionID=”68228″][/cover]
上一篇83910
絕版《Silent Hills》P.T.試玩版開價過萬!
下一篇
【DIY】活用Kinect將居家變戰場
評論

評論