《王國紀元 Lords Mobile》創策略手遊電競新風潮!

以下廠商提供資料原文

香港限定!820來王國爭大帝!

延續5月喺台北舉行嘅國際邀請賽嘅激烈戰況,《王國紀元Lords Mobile》以多樣兵種陣型搭配、英雄領軍加成,同埋3D攻城實況等特色呈現精彩賽事,儼然成為咗SLG手遊電競嘅新指標!呢次更同Google合作舉辦——『2017香港大帝體驗賽』,誓將遊戲入面最精彩絕倫嘅大帝戰搬上Google香港銅鑼灣賽事嘅舞台!現場重安排咗多聲道轉播激戰實況,要讓廣大鍾意策略手遊嘅玩家們,一齊體驗攻城對戰嘅臨場刺激感!

《王國紀元》香港菁英雲集競技

大帝戰號角響起 一眾菁英角逐帝位 Google殿堂正式開戰

『2017香港大帝體驗賽』自開放報名後,立即得到玩家嘅熱烈迴響,喺眾多香港玩家嘅殷切期待中,喺呢個禮拜日(8/20)於香港銅鑼灣火熱開戰!比賽會採用6對6分組對戰,每場時間30分鐘,玩家需要喺比賽時間內搶佔大帝奇觀,累計佔領時間越耐嘅一位會成為大帝,而佢所率領嘅出戰隊伍亦會勝出!為考驗參賽者嘅戰略應變能力同團隊默契,系統將為最後佔領者額外加成3.5分鐘,增添比賽嘅緊張刺激感!呢次比賽會喺賽事專用嘅伺服器入面進行,由官方統一提供資源、裝備均等專用帳號,令玩家可以專心備戰,用最強嘅姿態參與競賽!

多聲道比賽評述 賽事精華即時傳遞

為了讓呢次比賽內容可以畀唔同地區嘅玩家一齊即時收睇,比賽重特別邀請咗美國知名Youtuber Aevatrex、香港知名遊戲賽事主持人Louis同埋專業嘅官方評述同步進行英語、廣東話、普通話三種聲道嘅賽事實況轉播,希望畀網上收睇緊嘅玩家們能夠透過畫面同熟悉嘅語言,即時感受到現場比賽嘅精彩、緊張氣氛!詳情請見官方粉絲頁!

多聲道評述 即時傳遞賽事實況

香港最強玩家齊聚 爭奪豪華獎品

『2017香港大帝體驗賽』採用上網預先報名制,當日會由四隊香港菁英隊伍出賽,並透過抽籤形式分成2組,2v2地對決,贏出嘅隊伍將晉級角逐冠軍賽。參賽隊伍每人都可以獲得100,000水晶。而最後贏出嘅隊伍再可得到團隊獎金HKD 9,000元!

《王國紀元》雙平台QRcode

《王國紀元Lords Mobile》

iOS版下載

Android版下載

官方Blog

官方粉絲頁

官方網站

評論

評論

上一篇
戰略桌遊RPG新作《Lord of Dice》正式配信
下一篇
《火影忍者Online》開放新忍者猿飛蒜山[穢土轉生] 忍術教授再續五遁傳奇

評論

評論