其實文入面我要講嘅喺個題已經講曬，真係想大聲講一句:「可唔可以唔好阻住我打機呀！」，但作為一個專業嘅記者，我知道我係唔可以咁做。上星期搞到全世界「陷入混亂」嘅莓遊戲《Pokemon Go》早前因為server 問題，令澳洲以外嘅玩家都玩唔到。不過今日上午大家就發現小精靈再次出現喺香港各區！遊戲到依家都未正式推出，到底佢會唔會好似之前咁，出一出之後又全世界玩唔到？唔好問我，我已經了解到無《Pokemon》嘅生活係幾咁慘，我會好好把握每一秒。
下午一時更新: 果然不出我地所料，遊戲果然又再一次鎖返地區…大家再等等啦。
另外一開波博士會比大家揀「御三家」，不過永遠都有一班玩家係當你問佢鐘意紅、藍、綠邊一個版嘅時候，佢一定會答黃版。為咗滿足呢一班又煩又討厭嘅玩家－即係我呢種－，《Pokemon Go》入面只要你喺選擇御三家嘅時候，唔理佢地3隻野，起勢咁繼續行。當行到一定距離佢就會更新一次，當更新第四次(定第五次)嘅時候，你就會見到比卡超喺你面前喇！我就30幾度落街實證完！
下午1時更新: 好似又玩唔返了。。。
