【開箱文】實測Logitech G903滑鼠配搭POWERPLAY 無線充電鼠墊

C:\Users\Kengi\Desktop\PWP.png

 

相信有唔少由元祖滑鼠轉用無線滑鼠既朋友都同小編有同樣既擔心,無錯就係充電問題,試想下如果有日你打機打到最激烈果陣個滑鼠無電你真係會一野轟個滑鼠落地從此同佢講拜拜,上述呢個咁基本問題已經令好多人卻步更唔好講驚佢反應遲頓既問題,但係無條線吊住喺度阻手阻腳又真係真心爽,想魚與熊掌兩得唔通真係無方法?好彩人既想像力係無限既!有人提出問題就自然有人提供解決方案,Logitech推出左一套稱得上係「屠龍刀」「倚天劍」既絕配組合,小編有幸可以親身測試一下!

 

●G903 X POWERPLAY

入正題之前,按照慣例都要先講下啲包裝同配備,G903同POWERPLAY 成個包裝都用上Logitech黑搭藍主調,而兩款產品既名稱都用上電鍍藍設計相當型格。G903除去外套後係一個掀蓋式既暗花黑盒,開蓋即刻見到G903真身,對比起小編以前開箱過既滑鼠G903撇除左華而不實既複雜包裝。而喺G903下邊少不了有暗格收埋其他配件,包括一條G903既充電線同埋一個黑色膠盒,黑色膠盒入邊裝住既係一塊10g既砝碼、G903無線接收器同埋將G903改裝既小配件,除左可以將G903改裝成左手專用滑鼠以外,仲可以根據個人喜好隨意添加快捷鍵或者將滑鼠上所有快捷鍵移除,非常貼心既設計。

 

logitech G903的圖片搜尋結果

 

G903本體有磨砂既觸感,重量大概係一個「萬壽無疆」飯碗咁重,滑鼠整體長度適合一般成年人使用,中間輪軸有可切換既無聲設計,若果你唔喜歡輪軸轉起上嚟會「刮刮」聲既話,只要按一下輪軸對落既制就可以隨時切換。G903更設有多個熱鍵可以透過Logitech專用軟件「Logitech Gaming Software」調較。最後G903底部除左有開關制外仲有一個可以打開既圈圈,打開方式採用新設計,用力按底部既凹位就應聲打開,打開後原來係裝砝碼既位置同時亦都係無線充電既秘密所在。

 

logitech POWERPLAY的圖片搜尋結果

 

講到無線充電,秘密就在於POWERPLAY 呢塊巨型滑鼠墊。POWERPLAY 包裝盒唔野少,包裝盒有一格雲石地磗咁大塊,而既真身同樣大塊,足足有280x340mm,真心講句買之前要確定你張枱有咁大張擺先好。POWERPLAY 更同時提供軟墊同硬墊俾你任意選擇,星期一三五用軟既二四六用硬既絕對無問題,只要你想用邊款墊舖上去POWERPLAY既基台上面就可以,而軟硬墊既底部都有防滑設計,舖上去基台上亂咁扯都唔容易走位,打機打到興起都無有怕!而盒內除左POWERPLAY 基台、軟硬滑鼠墊以外,自然唔少得有USB連接線同無線充電既秘密裝置 – POWERCORE!安裝POWERCORE方法非常簡單,只要將G903底部既圈圈拆走,再將POWERCORE放入相同位置就可以,馬上嚟測試一下。

 

●實測無線充電技術

接駁POWERPLAY 之前,記得要用返POWERPLAY 提供既USB線去接駁電腦,說明書話嫁!小編無親測過用其他USB線會唔會出問題,但話晒POWERPLAY都有返咁上下價錢,都係乖乖用返條專用線啦。

 

而只要安裝好Logitech Gaming Software( http://support.logitech.com/zh_hk/downloads )重新開機後就會見到歡迎加入使用行列。POWERPLAY可以設定既部份相對簡單,用家只可以改變POWERPLAY上燈既顏色同效果。

 

燈光效果有三種模式可選,而顏色則是RGB任意調配。

而G903既個人化設定就多好多,一般既DPI、顏色既設定都一應俱全。相信大家最關心一定係G903配搭POWERPLAY 既無線充電功能。經小編測試無論G903處於休眠、關機定係正常使用狀態下都會保持充電。而滑鼠有兩種情況會無法充電,情況一G903凌空離開POWERPLAY基台大概2CM,情況二G903放置喺POWERPLAY邊沿位置,所以緊記要唔用果時要擺好滑鼠先差到電。

 

最後不得不提既係G903係首款採用名為「LIGHTSPEED」無線不延遲技術既滑鼠,反應速度絕對可以媲美傳統滑鼠,而且在滿電底下更可以連續使用32小時,內置12000 DPI PMW3366感應器,絕對稱得上係現存最高規格既滑鼠之一。

 

 

順帶一提,POWERPLAY既充電設計有啲特別,擺喺上邊充電既滑鼠係唔會差到100%滿電,一般情況下只會充到80%電左右,而休眠狀態下會充電到大約90%,呢個特殊設計可以令到舊電更加襟用之餘仲幫你慳返唔少電費呢!最後送上POWERPLAY同G903既官方短片塗毒大家

 

評論

評論

上一篇
下一篇
中村春菊老師監修《世界一初戀》宣布將推出手機遊戲!事前登錄同時開跑!

評論

評論