人中之龍極2 繁中版12月7日推出 桃乃木香奈來港宣傳

喺早兩日(12月1日),小編就受邀去參加【 人中之龍 極2 鴻門夜宴】宣傳活動,人中之龍極2 遊戲總監督 名越稔洋、執行製作人 佐藤大輔以及 獲得「新人女優賞獎」而亦有參與喺遊戲入邊嘅女優 桃乃木香奈 遠道由日本而來,同大家分享 人中之龍極2 嘅製作內容以及心得,其中兩位製人都極力介紹新作當中嘅「人龍引擎」,更喺今晚【鴻門夜宴】開席前向大家展示試玩部份遊戲內容,更大方地試玩了有關 桃乃木香奈 角色的劇情環節。人中之龍新作就出,相信各位忠實粉絲都迫不及待好想喺12月7日馬上入手呢款新作。

而訪問 桃乃木香奈 嘅時候,桃乃木香奈表示自己十分喜歡香港嘅地道美食,大家估下桃乃木香奈最鍾意香港邊一款美食?就係 叉燒!真係估你唔到呀 桃乃木香奈!而桃乃木香奈亦有提到,自己好開心可以參與係遊戲入面,對佢嚟講都係一個新挑戰,在場有記者朋友問到,佢喜歡拍片多啲定係配音多啲,桃乃木香奈就話好難揀,不過期望未來會有更多呢一類型嘅工作可以挑戰下咁話喎!

而兩位遊戲製作人 佐藤大輔以及名越稔洋 就分享遊戲中製作嘅概念同埋講解遊戲中最大特色係邊度,今集人中之龍極2 就用咗最新嘅「人龍引擎」,令地圖上得以展現完全無接縫技術,遊戲暢快度一流,令大家可以更流暢地去玩今集人中之龍!

提提大家啦,人中之龍極2 繁中版將會喺12月7日正式推出,大家記得準時課水買game喇!

 

評論

評論

上一篇
日服《命運之子》首抽入門及新手Q&A
下一篇
時尚萬壽宴 《我在大清當皇帝》邀你一起赴約

評論

評論