【坦編外訪】萬聖節VR鬼叫 Play Station鬼屋大「驚」喜!

【坦編外訪】萬聖節「VR」鬼叫 Play Station鬼屋大「驚」喜!

為咗採訪,坦編一向都不遺餘力嘅!今次坦編嚟到大西北,唔係為咗騎牛,而係嚟PlayStation® Halloween「VR鬼叫」樂園嚇自己!坦編平時連玩主題樂園鬼屋都勁淆底,要瞇埋眼行捉實人先勉強過得去,今次真係為咗大家搵命搏啦……

【坦編外訪】萬聖節「VR」鬼叫 Play Station鬼屋大「驚」喜!

【坦編外訪】萬聖節「VR」鬼叫 Play Station鬼屋大「驚」喜!

【坦編外訪】萬聖節「VR」鬼叫 Play Station鬼屋大「驚」喜!

點解???點解平時得意可人白雪雪軟綿綿嘅Toro喵會搞成咁!!!啲怨念好似隔住個mon都feel到呀!Any肥,坦編本著「幻覺嚟架姐嚇我唔到嘅」精神準備行去門口,點知——

【坦編外訪】萬聖節「VR」鬼叫 Play Station鬼屋大「驚」喜!

喂大佬呀人嚇人真係嚇死人,阿鳳仙姐姐你好地地做咩擔把遮喺樹眼甘甘望住我呢?個心真係離一離呀!

【坦編外訪】萬聖節「VR」鬼叫 Play Station鬼屋大「驚」喜!
夠膽你就一齊埋~嚟~玩~

今次會場設有8間驚嚇房間,當中設有5款遊戲畀大家嚇自己。而當中最被推崇為「驚嚇之最」嘅,當數主打東方恐怖風格《瞳:祈願》!而由於坦編係連RESIDENT EVIL 7普通版都嚇死嘅淆底獸,唯有揀相對之下無咁恐怖嘅《UNTIL DAWN: RUSH OF BLOOD》。然而坐上咗鬼屋專座、戴埋成副VR之後,坦編發現現場工作人員嘅「殷勤招待」會令「無咁恐怖」嘅遊戲都一樣恐怖!至於「殷勤招待」係啲咩嘢,就要等大家嚟自己發掘下啦~

【坦編外訪】萬聖節「VR」鬼叫 Play Station鬼屋大「驚」喜!
《Marvel’s Spider-Man》試玩區

正所以「有辣有唔辣,任君選擇」,唔想太刺激嘅朋友歡迎喺鬼屋外圍嘅PS4試玩區體驗其他大作,例如係好得意嘅VR新作《ASTRO BOT:RESCUE MISSION》、今年大熱嘅《Marvel’s Spider-Man》、《Overcooked! 2》、《FIFA 19》等等,包保一家大細都有game啱玩~

【坦編外訪】萬聖節「VR」鬼叫 Play Station鬼屋大「驚」喜!
嚟唔駛驚~有咩事姐姐帶你返嚟人間~

【坦編外訪】萬聖節「VR」鬼叫 Play Station鬼屋大「驚」喜!

同場仲設有PlayStation®「Halloween期間限定店」,除咗有一系列恆常嘅PS產品,仲會發售「從紅海回歸的屍人多樂T恤」(售價:HK$228/名額:70個)及開放預訂「屍人多樂模型」(售價:HK$488/名額:50個)。

【坦編外訪】萬聖節「VR」鬼叫 Play Station鬼屋大「驚」喜!
我咁得意又咁可愛你無理由唔帶返屋企嘅嘻嘻嘻嘻嘻嘻嘻嘻嘻嘻嘻

想挑戰自己膽量,仲唔過嚟屯門市廣場嚇餐飽?

PlayStation® Halloween 「VR鬼叫」樂園 開放詳情:

日期﹕10月19日至31日

時間﹕中午12時至晚上9時30分

地點﹕屯門市廣場1樓中央廣場

入場資格﹕顧客只需於商場內作任何單一消費滿港幣一百元,憑即日之商戶有效機印發票,即可免費換領「屯門市廣場.PlayStation® Halloween 『VR鬼叫』樂園 」試玩券乙張。(每日名額有限,換完即止)

評論

評論

上一篇
《刺客教條:奧德賽》攻略 【主線】野狼與毒蛇:「血狼」的命運(等級:9)
下一篇
《永恆冒險》繁中版今日於雙平台正式上線 公開「開服特典活動」與本作主角背景設定

評論

評論